[絕對無糖分]就係咁，我搬左入一幢充滿一樓一嘅唐樓: ９４　慾念、理性、良知

我打開左道門後，眼前嘅景像我真係不敢想像……

我見到……阿ＫＩＮＧ個爸爸係張大床上面，不停係一個女學生身上做緊掌上壓……咁當然唔係普通果隻啦，係除晒衫果種。

佢做做下就望住我講：「咦！？我未見過有男人係呢度門入過黎ＷＯ，我不嬲搞開女，意識無理由會中途轉ＧＡＹ㗎。」

我聽到後，無奈左一下，然後話：「你可唔可以停一停聽我講幾句先？」

「傻啦，你無聽過阻人扑野死左會俾人燒春袋咩？」佢話，然後我諗一諗，呢句說話點解咁似曾相識咁。



然後，佢又話：「我係呢個人嘅『慾念』，只會做呢個人想做果Ｄ野，如果你想傾野，一係搵『良知』，一係搵『理性』，唔好阻住我扑呢個學生妹，呢個學生妹咁好扑，我先唔會停。」

聽完後，只覺得無奈過無奈……

「咁我又點搵到頭先你所講嘅……『良知』同『理性』呢？」我問。

而呢位「慾念」就話：「我點知你，自己去搵囉。」

無言……



我行遠呢張大床後，就發現前面有兩個人，佢地坐係個石桌旁邊，好似捉緊棋咁。

「點解呢個局拆咁耐都未拆得完㗎。」我未行近就聽到其中一個人話。

「呢個局都拆左好幾年，我同你都未拆得到，咁點算好……」而另一個人又話。

我行上前望一望個棋盤……屌！我撚識睇咩！剩係見到又黑又白咁囉，然後果兩個人望住我問：「你邊位啊？未見過你嘅。」

我見到佢地咁問後，就答：「我想搵『良知』同『理性』。」



然後佢地就異口同聲答：「我地就係。」

嘩，估唔到咁易就搵到，然後我就將我想講嘅野同佢講：「其實我黎係為左我朋友，以及你同你老婆，三個人可以和好如初。」

佢地兩個聽到後，就問：「我地老婆我知係邊個啊，但你位朋友又係？」

我答：「係阿ＫＩＮＧ。」

佢地兩個激動到彈左起身，仲整到成盤棋跌晒落地，而其中一個人就不停自說自話講：「我仲邊有面目見佢，我咁撚仆街，出去搞三搞四，仲要比佢見到，我仲邊有面目見佢，我咁……」

屌，總之佢不停講呢幾句啦。

而另一個人就話：「其實理性咁諗，佢真係想見返我地咩？如果想見一早見左啦，而家都未見姐係一直唔想見啦，咁點解又要見呢？係未唔見會好Ｄ呢？咁唔見對件事又係未真係有幫助呢？咁見左又對見事真係有幫助呢？咁……」

嘩……呢個人仲煩撚過另一個。



「等等！」我大叫左一聲後，佢地就望住我，而我就話：「我黎就係幫你地，信我好唔好？」

佢地又望一望我，然後又望一望散落左係地下上面嘅棋，其中一個蹲低左，執起一粒後話：「我咁理性，都拆唔到，你可以咩？」

而另一位又做同一個動作，拎住隻棋後話：「我地真係好想拆得到，但可以點做？」佢講完後，就開始流淚。

然後，我都同佢地一樣，拎起左一粒棋話：「呢Ｄ事，點可以用理性去解決，而係要講個心。」

我講完後，佢地兩個摸一摸自己個心，「心？」佢地問，而我點一點頭話：「如果你地真係想拆得到，就信我，交比我好唔好？」

佢地兩個同事點一點頭。