[絕對無糖分]就係咁，我搬左入一幢充滿一樓一嘅唐樓: ９３　三道門

我好快手就通知左阿ＫＩＮＧ父母，佢地聽到後當然好開心，我都再三同佢地講，如果聽日阿ＫＩＮＧ見到佢地果陣好激動，最緊要咩都唔好做坐低飲左眼前杯水佢。

佢地聽到當然問我點解，但我都唔知點同佢地講，只係叫佢地跟住做就可以。

而我嘅聲劃，係一早同阿ＫＩＮＧ住係度當傾下計，一早比佢飲左果包藥先，然後佢飲左後，我先再示意佢父母出現。

希望咁做，可以係阿ＫＩＮＧ沉睡後，佢唔駛激動，而佢父母都可以再飲埋杯野。

計劃雖然諗得好似好周詳，但係始終好擔心聽日……



就如我想諗嘅一樣，放工後，我同阿ＫＩＮＧ住係ＫＦＣ某個角落度，然後佢同問我：「你尋日未話有方法……幫下我精神Ｄ，咁係咩方法。」

我望住遠處準備拎水過黎嘅小春，ＨＥＡ答左佢幾句：「呢樣野你千其唔好同人講，我剩係同你講……」然後小春杯水到，佢放低左一杯比阿ＫＩＮＧ後，再拎左另一杯比我，我見到佢向我打左個眼色。

希望今次小春唔好出咩野錯，比岩水我地啦。

「你飲左杯水先，然後我話你知。」我同阿ＫＩＮＧ講左後，阿ＫＩＮＧ就飲左啖水，然後望住我問：「你講啦。」

見到佢飲左水，我個水都定左一半，然後話：「你而家聽我指示做，閉上眼睛，然後個人慢慢放鬆。」



「好好好，閉上眼睛，慢慢放鬆……」阿ＫＩＮＧ話。

「深呼吸，個呼吸好似吸到落到底咁。」我話。

然後阿ＫＩＮＧ跟住做。

「放鬆你全身嘅肌肉，然後，慢慢……慢慢咁……」我講到呢度，聽到阿ＫＩＮＧ開始打鼻鼾。

估唔到Ｄ粉咁勁。



然後，我示意左係出面一直等緊嘅阿ＫＩＮＧ父母入黎，佢地兩個見到沉睡左嘅阿ＫＩＮＧ，又驚喜，又慌張。

「我地係出面見到你比左杯水囝囝飲後，佢就咁樣，杯水係……」阿媽果然係最擔心個仔，佢一入黎到問。

「放心，信我，呢度仲有兩杯水。」我指一指企係佢地身後，拎住兩杯水嘅小春，然後又同佢地講：「你地坐低，然後飲左啖水後，就會明白。」

然後，佢地兩個坐低後，都飲左啖水，過左一陣亦都訓著左。

小春見到咁嘅情況，擔心咁問多次：「真係會無事？」

而我好堅定咁答：「信我，真係會無事。」然後，我拎係我個杯水，一啖飲晒，然後同小春講：「好好睇住我地四個，唔好比其他人……騷……擾……」

然後，我都沉睡左，係夢入面，一張開眼就見到三道門，我望住眼前呢三度門，猜則，應該係陰陽怪所提過，我係ＬＩＮＫ　ＵＰ佢地嘅人，呢三道門一定係進入佢地內心世界。

我亦都好快，揀左其中一道門行左入去。