[絕對無糖分]就係咁，我搬左入一幢充滿一樓一嘅唐樓: ８７　歸還

返到ＫＦＣ，一邊做野一邊諗頭先所遇到嘅事，然後諗緊果陣……

「蕃薯，做咩又係度一邊做野，一邊諗野啊？」係澧琳把聲，係企左係我旁邊話。

我放低炸緊個薯格，然後話：「……無，我發呆姐。」

澧琳用一個懷疑嘅眼神望住我，「你係未有野瞞住我……」

「點、點會呢！我真係發緊呆姐。」我答，然後澧琳就話：「好，信你啦，比我知道你有野暪我就知死。」



見佢無再追問，我就轉話題：「你呢，妳果日之後屋企無事嘛？」

澧琳嘆左口氣話：「都係無咩改善，但係果日返到去後，佢地兩個都返晒房，我見咁都自己返房算。」

呢一刻嘅澧琳，我睇得出佢有一種委屈……

「唔駛咁唔開心，不如我地搵人約出黎玩，妳想去邊？」我問。

澧琳望住我，「你約我啊？」



我突然先發覺我頭先係約佢！？比佢發現後成個人呆左企左係度，佢見到我咁笑左出黎，「你唔駛咁反應ＷＯ，我又無話唔得，咁你諗好左同我去邊的話，你就話我知啦。」澧琳講完後，就笑住行開左。

而我，靜左好幾秒……

我無諗過我會咁大膽約澧琳出街。

我頭先真講完出黎後知後覺到而家仲驚緊。

不過，又係果一種心寒感覺，我望一望出ＫＦＣ。



見到阿ＫＩＮＧ阿爸阿媽望左入黎，仲望住我，呢一刻，覺得係另一個機會，我將佢地跌左嘅全家福拎左出黎，佢地一望到張相，係一個渴望同失以復得嘅表情。

我慢慢行左出ＫＦＣ，行到佢地面前，將全家福遞左比佢地後問：「你地，係想搵阿ＫＩＮＧ？」

而佢地，就好自責咁點一點頭……「係……」