[絕對無糖分]就係咁，我搬左入一幢充滿一樓一嘅唐樓: ８６　掉落的全家福

我同呢個伯伯對望，見佢口嗡嗡念念有詞咁，但又聽唔到佢講咩，而佢係用一個好奇怪嘅表情望住我，果種表情係有一點憤怒，但又有一點哀求。

佢一身打份都好污糟，就好似Ｄ流浪漢一樣。

當我想行近佢一步後，佢就向後退一步。

我又行一步……佢又退一步……

直到，我加快腳步，佢就即刻轉身就走。



係呢一刻，我明白，呢個伯伯實係知Ｄ內情，我猜唔到佢知Ｄ咩，但可以肯定，佢對件事實有進展同幫助。

所以，我無理到係大街大巷，不停係伯伯身後追趕，我就唔信我後生仔好氣好力會跑輸比一位伯伯。

除非，我真係咁廢。

而當我追呢個阿伯追到第五條街……追到我心諗點解一個伯伯都可以跑咁耐唔停下，想放棄之際，我見到佢都停下著腳步。

係機會！



我用盡最後一口氣，跑近呢個伯伯，但就當我正想伸手捉住呢位伯是果陣，一位阿婆係旁邊殺出，用個袋不停打我。

我不停閃躲，然後不敵呢位阿婆，比佢打到跌左係地上面……我就係咁眼白白望住阿婆拉走左個伯伯。

而當我企起身後，我發現頭先伯伯所企嘅位置度多左一張相，而相入面，有三個人，一個係好後生嘅阿ＫＩＮＧ，而另外兩個一男一女，望真Ｄ有少少似頭先伯伯同阿婆。

而伯伯係相入面，一副壯嚴咁企係度望住鏡頭，不怒而威，而相入面嘅婆婆，就手放左係後生嘅阿ＫＩＮＧ膀頭上面，笑得好和藹可親。

相後面寫住幾隻字，同一個日期。



個日期，好幾年前，睇後咁後生嘅阿ＫＩＮＧ，應該係佢仲讀緊書嘅時期，而果幾隻未入面，有三個字寫住，「全家福」。

唔同，伯伯同阿婆係阿ＫＩＮＧ阿爸阿媽？