[絕對無糖分]就係咁，我搬左入一幢充滿一樓一嘅唐樓: ８４　寒意

「你話我聽啦，你剩係幫我話要幫個朋友搵功德，咁要點做先好啊。」又真係比我入到夢問隻陰陽怪ＷＯ。

「一切隨緣啦，施主。」佢答。

「隨咩鬼緣姐，咁唔通佢個緣到９０幾歲先到，我要等到佢９０幾歲先幫到佢拎功德的話，咁我到時拎返晒Ｄ功能，咁老都用唔到啦。」我一停追住個陰陽怪身後講。

「我都諗緊點幫你㗎，你估我唔想咩，上次同你傾完後，我都有起個壇想入佢個心入面睇下係咩野作祟，但係我入唔到去。」陰陽怪話，然後指指旁邊個壇。

我望一望個壇，然後再望一望佢，「係未你法力唔夠，所以入唔到去啊。」



「喂！我唔可以你咁講我！雖然我被眨下凡間！但我假假地都仲係個神仙……喂！收返起你而家呢個目光！」我用緊一個帶有少少鄙視嘅目光望住佢話：「原來你都無撚用嘅。」

「喂！我一開始都講左！你果７盞油燈同我功德有關！而家得一支！實力算係咁啦！」見佢講到咁又嬲到咁，我唯有……

「係係係，你威你威。」我咁答。

「幫你仲咁嘅聲氣，仲諗住講埋你聽我有咩發現。」陰陽怪呢句說話，令到我收起返果個有少少鄙視嘅目光。

「咩事？」我問。



「語氣好Ｄ。」佢話。

我用一個好恭敬嘅語氣話：「係～～～偉大而又神通廣大嘅神仙，可唔可以話我知呢？」

個陰陽怪個樣算係有返小小笑容，然後就話：「果陣你係未有種寒意？」

我回想返起，應該講緊我送走阿ＫＩＮＧ果陣，「係啊，果種寒意係未有Ｄ咩？」

「我擦覺到，果種寒意係一種咀咒咁，不停跟住你個朋友阿ＫＩＮＧ，而我上次話察覺到有一種類似我咁嘅野存在係你朋友身上，我諗係呢個咀咒，所以我入唔到你朋友個心入面睇，但係，你朋友心人面有嘅，應該係佢內心嘅壓抑。」陰陽怪講完後話。



我聽完後都只係一頭霧水，「咁姐係點先可以幫到阿ＫＩＮＧ？」我問。

「我諗，要搵到呢種寒意係咩先我。」陰陽怪答。