[絕對無糖分]就係咁，我搬左入一幢充滿一樓一嘅唐樓: ６７　薇琪

－－－以下用男神ＫＩＮＧ第一身角度－－－

如果，每個人一生中都有一個時刻會影響佢一生的話，我想呢個時刻永遠唔會發生……我記得果年，係１5歲。

屋企係一個好傳統嘅屋企，家教好嚴，阿爸阿媽都係教書，你係唔會估到，係呢個年代，仲要有人臨訓前要睇下道德經先可以訓。

係啊，每晚我阿爸都會睇住我睇道德經，睇到夠先可以訓。

我都唔知呢Ｄ生活係未正常，呢個諗法其實我１5歲前我從來未咁諗過，因為我一直以為每一個家都係咁，食飯唔比講野、電視只可以睇新聞、講野唔可以太大聲、平時空閒時只可以睇書同溫書……仲有屋企一定要有一福寫有「仁義禮智信」嘅字畫。



就係因為呢一年，有個新插班生入左我地班，我好記得呢一位女同學，因為佢實在太與別不同……應該係話，同我地學校校風好唔同，仲有Ｄ格格不入。

我地學校係一個校風純樸、嚴厲、同好顧及每個學生個人修養，而呢一位新同學，一睇就知佢係壞學生……但點解學校會收呢Ｄ咁嘅學生……

而且最重要係，呢個新同學坐係我旁邊。

佢一坐埋位，我就先自我介紹，呢Ｄ係屋企又細教到我大嘅野，但係佢只係望住我笑左下，然後，佢竟然將自己條裙拎起，仲見到佢入面著果條底褲。

我好記得，係一條我呢一世人都未見個嘅底褲，咩有底褲條邊晒條繩咁幼，仲要綁結㗎咩？



「……非禮勿視！」我嚇到彈左起身大叫。

「澤天仁同學，咩事上緊堂大叫。」上緊堂嘅老師見到我大叫後就問。

我望住呢位新同學得呈嘅勝利笑容，然後望住佢慢慢將自己條裙放低後，「……無野。」我答。

「無啦啦大叫後話無野，你同我出去罰企，然後落堂去教員室搵我。」個老師話，係啊，我地學校就係咁嚴。

我無奈咁行出教室，回頭望一望呢位新同學，就覺得，從此學校就多左個惡魔，而我再望一望黑板上面，佢頭先自我介紹時寫自己個名。



薇琪。

從此，我就同呢個叫薇琪嘅同學結下不解之緣。