[絕對無糖分]就係咁，我搬左入一幢充滿一樓一嘅唐樓: ６５　應約男神ＫＩＮＧ

返到ＫＦＣ做野，一邊做野都係一邊諗返頭先男神ＫＩＮＧ嘅狀態，佢個樣睇落好似同Ｄ無毒吸嘅道友差唔多，但係又未去到咁壞。

只不過真係未見過平時獨當一面嘅男神ＫＩＮＧ都有咁嘅頹況。

做做下野，澧琳走過左去我身邊問：「蕃薯，做咩你今日好似咁神不守舍嘅，頭先我見到經理佢望去你到好幾次，面色唔多好咁，可能一陣會過黎鬧你啊。」

見到澧琳咁關心我，我超開心，成個人精神晒答佢：「放心啦，我……我尋晚訓得唔多好姐。」

「我都估到，我見到你今日行路都要弓住個身慢慢行，就估到你尋晚無覺好訓。」澧琳答。



……其實我弓起個身慢慢行，係因為比個陰陽怪爆菊叫醒，整到我菊花痛到要咁行姐。

澧琳提左我後就行開左，然後賤輝隨後就走過過黎，「喂，你今日做日好心不在焉ＷＯ，係未唔想勞啊你。」

「唔係……」我用一慣尊重有帶點敷衍嘅語氣答佢。

「你同我認認真真做啊，唔好出錯啊，你同你果位兄弟小春都一樣，今日一返到黎同一個死款。」賤輝講完後，我望一望遠處做緊野嘅小春，佢同我個情況一樣，都係一邊做野，一邊成個諗樣咁。

「做錯野加鐘扣人工啊，知道未！」只要賤輝一講呢句，都知道係訓話完畢。



「知道……」又係敷衍佢嘅回應，然後佢就走左。

佢走左後，我同遠處嘅小春對望左下，大家都係一個心照不宣嘅表情，然後，我電話響左一下，係一個ＭＳＧ，而且ＳＤ比我果個人，係我從來未見過會係我螢幕上彈出黎嘅人。

男神ＫＩＮＧ：一陣你同小春放工後，可唔可以去返頭先個茶記等我，我有Ｄ野想同你地講清楚。

我睇完個ＭＳＧ後就即刻望一望小春，見到佢都係同一樣嘅反應，就知道佢都收到同一個ＭＳＧ。

好快就去到放工嘅時間，今日放工無同澧琳行陣，係同小春即刻去男神ＫＩＮＧ叫我地等佢嘅地方，一去到，就已經見到男神ＫＩＮＧ坐左我地今日坐嘅同一個位置。



我同小春一坐低，佢就話：「今日晏就果餐我無比錢，而家呢餐我請返你地。」

「緊係要啦，無啦啦走左去唔比錢。」小春話，然後好開心咁睇緊餐牌。

而我，望住而家個男神ＫＩＮＧ，佢而家個神情同頭先見到果個完全唔一樣，而家呢個男神ＫＩＮＧ就變返平時見到果個男神ＫＩＮＧ。

點解？點解一個人轉變可以咁大。

而當我望住佢，小春又點緊餐嘅同時，男神ＫＩＮＧ問左我地一個問題：「你知道左我有性上癮，一陣我會同你地慢慢講，但我又想先知道點解你地兩個會一齊出現係果幢唐樓樓下？你地一齊去叫雞？」

呢一句問題，對於小春黎講係無咩特別，因為佢真係成日係果度叫雞，但對於我黎講就唔同，因為我都係係果度叫過雞，我只係住係上面，應該點同佢講好呢？