[絕對無糖分]就係咁，我搬左入一幢充滿一樓一嘅唐樓: ６１　聽唔聽？

我望住小春手上個記憶卡，「你有無聽過段聲？」我問小春，而小春支吾左一陣答：「……無啊。」

「你講大話！你無聽過又點知有澧琳把聲！」我話。

而小春就急忙解話：「我真係無啊，我只係……只係……估！係！我剩係估有澧琳把聲！」

我又懷疑嘅目光望住佢，而小春就好唔好意思話：「你都未聽，我點敢聽呢……」

「呢個係我聽你講咁多借口中最牽強嘅一個……」我話。



而小春成個人就好似變成一個比人捉到錯處嘅小朋友一樣，不知所惜起黎，「……無……無無無無無！」然後推左我入房，仲邊推邊話：「我真係未聽過，而家同你一齊聽。」

我一手搶走佢手上張記憶卡，「咩一齊聽，我都無諗住聽。」

「下！？你無諗住聽？有澧琳把聲ＷＯ！」小春話，而我再用懷疑目光望住佢，佢又話：「估……我估……」

我無諗住聽嘅原因，係因為不竟呢個係澧琳私隱黎，我唔太方便知道，當然啦，我係好想知道，但又覺得如果真係聽左段聲，好似對澧琳唔住咁。

然而，小春又係我面前不停話：「有澧琳把聲啊……我估。」



呢條仆街一定有聽過。

「總之你唔好理，我係唔會聽，而且又而家開始，呢張記憶卡有我保管。」我將個記憶卡收起左，然後問佢：「你無ＣＯＰＹ低掛。」

見到小春好喪氣咁話：「無ＣＯＰＹ……」

「咁你唔好四圍講澧琳係段聲入面Ｄ野比其他人知啊！」我話。

「我真係無聽啊……我係聽到有佢把聲果陣，時間到約左人閃左。」小春話。



「約左人？」我問。

「我尋日係ＹＯＹＯ屋企拎左段聲聽，聽到澧琳講野果陣，電話就響，原來就快到約左提子哥去尋歡，所以我急急腳走人囉。」佢話。

我望住我呢一位兄弟，唔怪得尋日返到ＹＯＹＯ到，佢走左啦……

「所以我真係無聽到澧琳講咩架，而且……」佢欲言又止話。

「而且咩？」我問。

「你知唔知尋日提子哥帶我去果個新場幾多女啊！個個又靚又身材好！真係睇到唔知入邊個閘好！仲有……」小春一邊講，我就一邊推小春出房……

我諗真係唔好痴小春太多，唔係遲早比佢帶壞……