[絕對無糖分]就係咁，我搬左入一幢充滿一樓一嘅唐樓: ６０　貞操

有係果個好嫵媚嘅笑容，但我ＦＥＥＬ到ＹＵＫＯ今次呢個笑容，係笑９緊我，「後生仔通常一起身都一柱擎天，但點解你果度成條軟皮蛇咁架。」

佢塊面愈哄愈埋，而我就愈退愈後，到最後無路可退後，我地兩個塊面就只有幾ＣＭ嘅距離。

「見到姐姐呢副咁好嘅身材，你無理由唔心動㗎ＷＯ。」ＹＵＫＯ話，因為太近距離，我仲聞到佢Ｄ口氣……

但係佢口氣唔係重點，我慢慢張目光放到佢所講嘅身材上面，望住佢心口隨呼吸嘅起伏，佢真理褲下嘅蜜桃臀，以及佢對修長白滑美腿……面對如斯尤物，我下面竟然毫無反應。

「做咩啊，唔想咩？」ＹＵＫＯ再用挑逗嘅話氣話，我嚇到將目光望返上黎，對上ＹＵＫＯ挑逗搬嘅眼神。



好引誘，而且佢仲咬左一下唇添，如果係一個正常男人，應該一早頂唔住要將她推倒……只不過佢眼前嘅我，係一個無撚用嘅男人。

佢眼神慢慢往下漂，而我都跟住佢嘅眼神，搵下佢而家所望嘅位置，發現，佢係望緊我下面，「真係咁好定力？」佢問，但正當我想回應佢果一刻，佢隻手快如閃電咁揸左落我細佬度。

反應太快，我比唔切反應，而佢唔止揸，仲拿捏左幾下，而佢果個好有挑逗性嘅眼神，慢慢變成好奇，「又真係無反應㗎ＷＯ你，咩事啊，我咁有吸引力，你都唔扯旗嘅。」

我無奈咁笑左一下，「ＹＵＫＯ姐妳放過我啦……」

「無可能嘅，等我睇真Ｄ先。」佢話。



「下！？咩睇真……喂！唔好啊！唔好除啊！」我都未講完，佢已經開始除緊我條褲，為保我貞操，我緊係極力反抗啦！！！

「乖～～～聽姐姐話，睇一陣咁多，又唔痛嘅係未。」ＹＵＫＯ姐用哄細路仔方式同我講。

「未癲啦！ＹＵＫＯ姐停手啊！妳每日都睇咁多條！睇少我呢條唔緊要啦！」我話。

「你呢條可能特別Ｄ呢！」點解ＹＵＫＯ姐咁大力㗎。

「唔會特別㗎！我好細㗎咋！」我答。



「細又點啊！細極都應該有反應！你講啊！你點解無反應！」佢問。

為左佢停手，我唯有……「我……我……我性無能啊！」呢次係我第一次親口講出我下面無撚用比另外一個人聽。

然後，ＹＵＫＯ姐停低左手腳望住我，眼神係一臉疑惑。而係呢個時候，我房門有把人聲傳出，「嘩，咁早兩位就ＭＯＲＮＩＮＧ　Ｑ啊？」

……係小春。

不過都好係小春，唔係舅父。

我同ＹＵＫＯ望住小春，我就尷尬咁笑左出黎，然後快手著返就快比ＹＵＫＯ除左果條褲，而ＹＵＫＯ就好正常咁笑左幾笑，企左起身施施然咁行出我間房，係經過小春身邊果陣，佢用手輕撫小春心口，又露出果一個挑逗眼神同笑容話：「遲Ｄ先再同你玩過。」

下！？ＹＵＫＯ姐呢句係同小春講定同我講㗎？

ＹＵＫＯ走後，小春就飛快咁走到我面前，「頂你個死仔，咁識食晨早流流就搵ＹＵＫＯ姐開波？」



「傻啦，無……」

「講真，ＹＵＫＯ身材好，樣又得，技術仲好好添啊。」小春話。

「都話無啊，我地……」

「我上次搵佢，唔夠十五分鐘已經比佢攻陷左。」佢話。

我無奈咁望住呢個滿臉色情嘅小春，我知道而家呢一刻同佢講咩都無用，只好眼定定望住佢個色情表情問：「你咁早搵我咩事啊？」

我一問後，小春就回神話：「尋日去ＹＯＹＯ度搬野，我未ＳＥＴ左個偷聽器嘅，我錄低左條聲，你有無興趣聽啊。」

佢將手中果張記憶卡放左係我面前，「有澧琳把聲㗎。」



咩話！？有澧琳把聲！？