[絕對無糖分]就係咁，我搬左入一幢充滿一樓一嘅唐樓: ５９　爆菊

「暴殄天物。」陰陽怪望住我話。

「你都痴撚線，咩野暴殄天物。」我話。

「大大個靚女伏係你度，你唔上有無搞錯啊。」陰陽怪話。

「未癲啦，伏係我度就要上，我先無咁隨便。」我話。

「呢Ｄ機會唔係成日有架，仲要係你添。」呢條友講野真係癲癲地架ＷＯ。



「就算我想上都無用啦，我而家無撚用左，就算上次你比返其中一個功能我，都係得射精咋，我點上啊。」我嬲嬲地咁話。

然後，我地兩個一齊望向旁邊果七盞油燈。

「咁又係，你而家無撚用，比著係你女神伏係你身上面，你都唔識硬。」陰陽怪話。

「……係啊。」我無奈咁講左句，然後望一望我下面後問：「究竟我下個功能幾時拎得返啊？」

陰陽怪屈指一算，「我諗就快。」



聽到佢咁講，我無咩驚喜，只係嘆左一口氣，而佢見到我咁就問：「年輕人，做咩愁眉苦面呢？」

我望住佢話：「我今日去幫ＹＯＹＯ佢地搬琴，同佢地接觸左一日，先知道佢地做呢行壓力原來咁大。」

陰陽怪個樣疑惑左一下，「試舉例說明知。」

我坐返正經咁同佢講：「姐係咁，平時我返ＫＦＣ做炸雞，果日好忙炸左好多雞的話，我都可以係朋友面前呻下又或者威下咁，但係佢地做雞，唔可以四圍講自己果日做左幾多客，比人屌左幾多次賺幾多錢咁。係嘅，跟同行講下係可以，但係分享比屋企人就唔得囉，唔通一個女仔返到屋企，同自己老母話今日比人屌左十幾次賺左好多錢咩。」

陰陽怪點一點頭話：「你都講得好岩啊，做佢地呢行，真係有好多苦只可以自己知，唔可以同人分享，至親更加唔得。」



「佢地不停努力求變，但係……又幾多真係可以變到，ＹＯＹＯ話，呢Ｄ係命ＷＯ。」我話：「當我聽到ＹＵＫＯ同佢媽媽嘅對話，再聽到佢係天台講果Ｄ野，我覺得，原來有咁多人為左自己生活，做左好多自己唔想做嘅事，但我就漫無目的咁ＨＥＡ足咁多年。」

陰陽怪會心笑左笑後話：「你終於覺得自己廢。」

我反左反白眼望一望佢：「係啊，多得你囉。」唔知點解，邊個講呢句都得，但佢講就真係想打９佢。

「咁你覺得有咩方法改變呢？」佢問。

我諗左諗後答：「……仲未諗到啊。」

陰陽怪嘆一嘆氣，「同你講啦，當你諗通左要做Ｄ咩後，你就可以開多一盞油燈，你要努力啊。」

「真㗎？」我好興奮咁問。

「係啊，唔該你快Ｄ諗到。」然後佢慢慢行去我身後面，就係呢個時候，我感覺到殺意……



「喂！你未撚又打我個頭啊！次撚次都係咁打我個頭整我出去！有無其他方法架！」我話。

然後，陰陽怪答我：「有，不過你一定唔會揀。」

「唔係ＷＯ！我一撚定會揀ＷＯ！你講黎聽下先！」我答。

而只見陰陽怪冷笑左一下，好陰森咁望住我講：「爆菊。」

爆菊係咩黎？當我諗呢個問題果陣，見到身後個陰陽怪蹲低左，然後手合十，食指伸直，其他手指屈埋，呢個手勢，令我諗起火影果套動畫入面嘅一招……千年殺！！！！！！

今次仆街了！！！

「喂！唔好啊！我揀返……」「下次再見。」見到陰陽怪好奮力向上升，雙指直闖我後面緊閉嘅菊花……



「啊！！！！！！仆街！！！！！」……係，我醒左，成個人係張床上面彈起左，菊花位感到好熱同痛，雙手下意識咁按住。

屌你咩！！！真係好撚痛啊！！！

然後，我身邊有一把女聲，「屌……起身就起身啦，咁撚嘈癲撚左咩。」我望一望，係ＹＵＫＯ，好彩佢衣衫齊整……

而佢坐左起身，望一望我笑左下話：「尋晚一齊訓，你下面一Ｄ反應都無，你係未性無能架？」

大撚鑊！！！唔通我無撚用比佢發現左！？！？