[絕對無糖分]就係咁，我搬左入一幢充滿一樓一嘅唐樓: ５７　老雞

最後，係一個好奇怪又有少少ＳＡＤ嘅氛圍下離開ＹＯＹＯ屋企，因為ＹＵＫＯ今晚要返架步，所以佢同我一齊走。

由入升降機果一刻，ＹＵＫＯ就好靜，靜到同我第一次見佢，及成日講粗口嘅佢都好唔同，而家呢一刻嘅ＹＵＫＯ，我睇得出，佢係擔心緊。

但擔心緊咩野，我唔知道。

上左車，佢終於同我講野。

「蕃薯啊，你有無諗過自己將來會做Ｄ咩啊？」ＹＵＫＯ問。



「……無啊，可能進修下後搵份好Ｄ嘅工掛。」我答。

「進修？」ＹＵＫＯ問左下，然後又繼續自己講：「我都進修緊。」

「妳都進修緊？」我好奇地問，進修粗口啊？佢已經專家級啦。

ＹＵＫＯ笑左一下，然後話：「其實我考緊保險牌，仲學緊Ｄ投資技巧，有時投資上面遇到問題，我都會問ＹＯＹＯ。」

「問ＹＯＹＯ？」我問。



「係啊，ＹＯＹＯ佢投資好叻架，而家我地住緊果個單位，有一半係我地賺返黎，而另一半就係ＹＯＹＯ自己投資賺返黎。」ＹＵＫＯ講完後，一臉憧憬咁話。

「真係估唔到ＹＯＹＯ佢另一方面咁叻ＷＯ。」我話。

「其實，你係未一直認為，做我地一樓一呢行嘅女人，都係好蠢？」ＹＵＫＯ突然咁問，我窒左窒後話：「……其實，一開始係，但當我慢慢認識妳地後，先發覺，原來只要唔睇妳地係一樓一嘅身份，其實妳地同平常人無咩分別。」

「唔睇我地一樓一嘅身份。」ＹＵＫＯ重複左呢句後，就無再講野。

死火，我係未講錯野呢？



就快到屋企附近個車站，但係ＹＵＫＯ同我講：「陪我去一個地方。」佢講完後，就拉左我起身。

「去邊啊？」我問。

「跟住黎啦，唔好問咁撚多。」佢話。

我地早左一個站落車，我跟住ＹＵＫＯ身後面行，望住佢背影，佢而家雖然一邊行一邊哼緊歌，但我從佢背影卻感受到一份不安感。

直到，我地行到一條已經係咩人嘅大街，我地聽到一男一女爭吵嘅聲。

「２００啊，２００做唔做？」

「未撚煩啦，２００妳都唔值。」

「１５０啦，１５０全包要唔要，屌我啦屌我啦。」



「咁撚ＣＨＥＡＰ都有嘅妳。」

「咁１５０係未ＯＫ先。」

「緊係唔得啦，妳倒貼比我都唔搞妳啊老怪物。」

係遠處見到佢地，女嘅係一個已經上左年紀嘅女人，但著住嘅係性感內衣，彼住簿絲巾，應該戴住假髮，髮色仲要係好奇怪嘅橙色，仲化到好濃妝、男嘅望落去係一個普通大叔黎，到平時係街所見果ｄ差唔多。

睇落佢地似係嫖客同雞黎，係同傾緊生意但傾唔成。

我企左係ＹＵＫＯ隔離，見到佢一臉不安，而且帶有少少無奈，「妳識佢架？」我問，而ＹＵＫＯ點一點頭。

我地兩個目見個男人走左，而個女人講左幾句粗口後，就行左過去。



「喂。」ＹＵＫＯ係個女人背後講左句後，個女人轉身望過黎：「咦，黎撚左啊，又點撚樣啊今次？」

嘩，個女人講嘅野同ＹＵＫＯ都差唔多ＷＯ。

ＹＵＫＯ係自己個袋度，拎左Ｄ錢出黎，「過黎睇下妳死得未啊，拎撚住啦，今個月Ｄ家用啊。」

下！？家用？

而個女人望一望Ｄ錢後話：「唔撚駛妳咁好心，我自己賺到錢。」

「妳賺撚到咩，頭先見到個男人比妳嚇撚走左啦。」ＹＵＫＯ話。

「仆妳個街，妳個死女包把口真係好撚臭，咩嚇撚走左啊，係個男人唔識貨咋。」個女人話。

下！？又家用又死女包，呢個女人係？



「妳以為我好撚想黎啊，我係妳個閪到出黎，先好心妳睇下妳死撚得未，拎Ｄ錢比妳咋。」ＹＵＫＯ話。

ＷＨＡＴ　ＴＨＥ　ＦＵＣＫ！？呢個女人係ＹＵＫＯ阿媽！？