[絕對無糖分]就係咁，我搬左入一幢充滿一樓一嘅唐樓: ５３　點一點頭

我同澧琳四目交投……

死啦，我就咁出現，點話佢知我係度係咩原因呢？而且佢都問左出口……

「我……」就正常我想講出口之際，本身啜泣嘅澧琳變成嚎啕大哭，「蕃薯！！！！！」

死火，見到澧琳咁樣，我更加唔知可以做Ｄ咩……

然而，我突然聽到外面升降機位有把男人聲不停大叫：「衰女！衰女妳係邊！」



澧琳聽到男人嘅叫聲後，好慌張咁拉起左我，往下面不停跑，我見到澧琳咁驚係咁跑，我都用同樣速度跑落樓下。

直到，聽唔到男人嘅叫聲……

直到，跑到落最低果層……

推開門，我同澧琳一齊跑左出去，跑到我地無晒氣後，先發現我地已經跑左好遠，望一望四圍，係一個熱鬧嘅街上面。

澧琳，佢仲係喊緊。



而我，望住佢只係好可知所惜地問：「發生咩事？」

「我……我……」佢已經喊到抽搐咁，好難先講都一句完整嘅野出黎：「……我爸爸佢……」但係剛剛就講得出口嘅野，好似突然又比佢硬生生咁吞左返去。

可能，佢唔想將佢爸爸嘅事話比其他人聽。

只見澧琳低頭，強忍住已經流緊出黎嘅淚水，但都遮掩唔到佢喊到抽搐嘅聲音，而我，原地企左係度無出聲，只係做左一件事。

我，緊緊把住澧琳……而佢亦都抱緊我，放肆咁係喧嘩熱鬧嘅大街上面喊。



經過嘅路人雖然對我地投出一Ｄ異樣嘅目光，但我無理佢地，因為而家係我心入面，最重要嘅係澧琳好傷心，而我現在只可以做到嘅，只係可以比暫時嘅溫暖佢。

「唔駛驚，有我。」我，講左呢句。

然後，我感受到澧琳係我榜頭上面點一點頭。

「我地搵個地方坐低冷靜下好唔好？」我問，然後，都係感受到澧琳係我榜頭上面點一點頭。