[絕對無糖分]就係咁，我搬左入一幢充滿一樓一嘅唐樓: ５０　紫紅色

經過一輪簡單介紹後，我同小春就比ＹＵＫＯ指派搬野，而ＹＯＹＯ同ＣＯＣＯ就陪住可兒玩，但我見到可兒不時咁望過黎對住我笑，我都回以一個微笑。

「咦，睇黎可兒個衰妹鍾意你ＷＯ。」ＹＵＫＯ講笑咁講。

「可能我天生靚仔呢。」我答。

「嘔～～～佢鍾意你ＯＮ９咋。」ＹＵＫＯ話。

……駛唔駛咁直接啊，而係旁邊一直無咩點出聲嘅小春，呢個時候就話：「我想去一去廁所。」



ＣＯＣＯ聽到後就指左個廁所位置比小春知，而小春聽到後，向我打左個眼色，我知道，小春要開始行動了……

希望佢唔好搞Ｄ咩出黎先好……

就係小春去左廁所果陣，可兒行左過黎係我面前揚一揚手，示意我湊近個頭聽佢講野，而佢係我耳邊問：「蕃薯哥哥，另一位哥哥點解著軍人衫嘅？」

……小春，你睇你衣著整到幾多人有懷疑……

「果個哥哥……鍾意著所以著住囉，但佢唔係軍人黎。」我答佢。



「鍾意所以著？」可兒水靈靈咁望住我問。

「係啊，每個人都有鍾意嘅野，就好似小春哥哥鍾意軍人，我都有鍾意嘅野，咁可兒鍾意Ｄ咩？」為左轉話題，所以我反問左可兒。

而可兒就好開心咁話：「我鍾意紫紅色！！！」

「紫紅色？」我問。

「係啊！最鍾意紫紅色！好靚！媽媽做嘅美容院都係紫紅色架！」可兒好開心咁一走一跳咁去到ＣＯＣＯ面前，一下抱住ＣＯＣＯ問：「媽媽係未都好鍾意紫紅色架？」



ＣＯＣＯ笑左笑然後話：「鍾意！但媽媽最鍾意嘅係可兒！」

紫紅色，我望住佢地，又望一望可兒房間果Ｄ燈光，原來都係紫紅色，再回想返果幢充滿一樓一嘅唐樓，樓下個支長期開著嘅紫紅色光管，每位姐姐仔架步入面嘅燈都係紫紅色。

媽媽開嘅美容院都係紫紅色架！

我諗一定係ＣＯＣＯ係架步同可兒ＦＡＣＥＴＩＭＥ果陣，可兒見到紫紅色先咁講。

本身我一直覺得紫紅色都係嫵媚，又或者因為物理角度睇，紫紅色下嘅妝容會份外吸引，但呢一刻，我覺得呢種紫紅色，係佢地家嘅溫暖顏色，比木紋果種微黃帶啡嘅顏色，更有家嘅感覺。

突然，我企緊嘅窗口傳出左一種低頻嘅聲音，我望一望，唔望由自何，一望真係嚇一跳，一架好細嘅航拍機係窗口飛過，我見到上面有個鏡頭，吊住左個偷聽器，腦海突然閃出左一個念頭。

一定係小春……