[絕對無糖分]就係咁，我搬左入一幢充滿一樓一嘅唐樓: ４８　高級住所！？

望住小春奇裝異服嘅ＹＯＹＯ同ＣＯＣＯ，行到我旁邊好細聲咁問：「喂，小春做咩著到咁黎啊？」「係囉，佢有咁嘅嗜好架？」

我聽到後都只係傻笑左幾下無答佢地……咁小春都係為左幫我先著到咁，雖然真係好怪，但我都唔應該咁話我個兄弟掛，所以唔答佢地算。

……不過……我回頭望一望小春，見到佢成個人真係好似以為自己係軍人嘅樣，又真係唔怪得ＹＯＹＯ同ＣＯＣＯ會咁問。

講返呢個屋苑先，係入口已經有警衛係度巡，就知道呢個屋苑唔簡單，睇落係Ｄ中產階層先住得入黎嘅屋苑，有會所又有好多設施，而且每棟樓都係Ｄ智能拍卡先入到嘅地方。

我望一望係前面帶住我地嘅ＹＯＹＯ同ＣＯＣＯ，心諗，原來而家做雞可以搵咁多住呢Ｄ地方架！？



「喂，你地行快Ｄ好唔好啊，ＹＵＫＯ已經係上面等幫緊手拿，好多野要執架。」ＹＯＹＯ話。

「但妳今日叫我黎唔係搬野咩？而家變左執野？」我問。

而ＣＯＣＯ就笑笑口答：「都係一樣姐，而且一陣晏就真係有Ｄ野運過黎，都算就真係搬。」

我聽完後問：「妳地係搬屋？」

而ＹＯＹＯ就答：「唔係搬屋，係我買左個琴比ＣＯＣＯ個女，要搵地方放所以要搬開Ｄ野姐。」



ＣＯＣＯ個女？我諗佢係講緊成日ＦＡＣＥＴＩＭＥ見到果個細路女。

等等，ＹＯＹＯ屋企？但係ＣＯＣＯ個女部琴買左送去ＹＯＹＯ姐度？

「ＣＯＣＯ個女部琴點解要放係ＹＯＹＯ屋企度？」小春問左我而家諗緊嘅野。

ＣＯＣＯ就答：「我同ＹＵＫＯ都係住係ＹＯＹＯ度架，咁我個女一定跟住我，所以都係ＹＯＹＯ度囉。」

喔～～～原來如此。



「咁ＣＯＣＯ妳個女都係上面？」我問，而ＣＯＣＯ點一點頭：「係上面啊。」

……姐係ＹＵＫＯ陪緊ＣＯＣＯ個女，諗起ＹＵＫＯ平時咁多粗口，佢對住ＣＯＣＯ個女會唔會都咁爛口架。