[絕對無糖分]就係咁，我搬左入一幢充滿一樓一嘅唐樓: ４６　竊聽！？

係小春間房入面，我地兩個人望住兩張紙……

「姐係話，今個星期日你要去幫ＹＯＹＯ佢地搬野，而佢所住嘅地方係澧琳旁邊？」小春問。

「……係啊。」我答小春，但係我而家有一半注意力都比小春呢間房吸引左去。

小春一副諗樣咁，然後又話：「其實會唔會用呢個機會，睇下你女神屋企係未發生咩野事呢？」

頂啊……點解佢可以搞到呢到咁架……



「喂……」

痴撚線架，呢張野上網就見過姐，無諗個佢間房有實物，佢幾時搬過黎啊。

「喂……」

呢邊仲勁，掛撚住果Ｄ野同果套咩野五十道色戒咁似嘅……

「喂！叫緊你啊！」小春一聲大喝，我先回返個神，「係係係……咩？」



小春無咁好氣話：「我話，會唔會用呢個機會睇下澧琳屋企有無發生咩野事……」

「但點睇下呢？」我問，然後小春打開左佢個櫃，拎左一大堆鏡頭、聽筒、偷聽器……頂！仲有航拍機！

「我諗呢堆野用得著掛。」小春話。

而我，用左一個好驚訝嘅表情望住小春問：「你條仆街幾時變得咁變態架，將我舅父比你住間房搞到咁，我以為已經好盡啦，你仲玩埋偷窺！？」

小春聽到我咁講後，笑得好大聲話：「未痴撚線啦，呢Ｄ野唔係我架，係集種果條友架，而呢間房，係我係提子哥身上面學返黎。」佢好得戚咁起左身，然後環顧四周後話：「呢度就係我進行人類偉大繁殖下一代嘅房間！」



「……姐係炮房啦？」我無咁好氣咁話。

「你知唔知炮房係幾神聖嘅地方黎架，係解放性與慾嘅地方，你呢Ｄ咁純情嘅小白菜係唔會明架拿。」小春一臉專家咁話，睇黎佢跟得提子哥太多……

「咁性學專家小春先生，可唔可以講返我呢位小白菜嘅煩惱先呢？」我話。

「好。」佢終於坐返得，「有個咁好機會可以比你接近女神屋企附近，更係要去啦。」

「……咁我都一早話會去幫ＹＯＹＯ嘅，但無理由幫幫下手，無啦啦衝入佢度架嘛。」我答。

而小春就再望一望佢拎出黎果堆野，「無人叫你衝入去，係叫你偷聽。」

竟然！？唔係掛！？我突然對眼前呢一位小春好陌生添！

「……我都唔識用。」我話。



「唔駛怕，果日我都去，我幫你ＳＥＴ。」小春話。

下！？呢Ｄ野犯法架ＷＯ，唔通我真係要咁做！？