[絕對無糖分]就係咁，我搬左入一幢充滿一樓一嘅唐樓: ４４　地址

同姐姐仔聚餐完，休息多陣我就準備返工，呢排ＫＦＣ果邊Ｄ工作都係咁上下，比個賤輝經理成日屈我開多Ｄ工外，發現呢排ＫＩＮＧ多左留意我，真係唔知點解……

同時我發現小春呢排都好似好累咁，就好似今日同佢一齊做野，佢已經出錯左成１０次以上……

「喂，你呢排搞咩野咁累？」我問，望住佢果對黑眼圈，無咩血色嘅面，真係會比佢嚇親架。

佢只係乾笑左幾聲，「哈……我呢排可能幫襯ｄ姐姐仔太多，比佢地搞到精盡人亡……」

下……唔係掛……



「但見你成日都無咩點返去ＷＯ，唔通你幫襯樓下Ｄ姐姐仔！？」我問。

佢又笑左幾聲話：「提子哥帶左我去個新場！頂佢！個場Ｄ姐姐仔正到呢……」佢講得好大聲，整到我要遮住佢個咀唔好比佢講，「你咁大聲其他人聽到點算。」

佢意識到後先慢慢叫我放開手，然後就繼續好細聲同我講佢同提子哥Ｄ叫雞經……

頂……如果早知佢會咁，就唔問佢有無事啦。

除左小春呢排有改變外，澧琳都有少少改變，我望一望更表，佢返工Ｄ鐘數好似愈黎愈少咁，唔知佢係未有其他野忙，定有其他事發生呢？



我：呢排好少見妳
我：妳無事嘛？
澧琳：呢排屋企有Ｄ事
澧琳：所以返少左
澧琳：你搵我有事？

我望住部電話，突然有一種不祥預感……

我：有無咩野我可以幫到手？
澧琳：我驚煩到你啊


我：唔係啊
我：有咩事一定要話我知
澧琳：知道
澧琳：你真係好

其實從字裡行間，我總覺得澧琳今次屋企一定係發生左Ｄ事，但見佢唔多講，我都唔敢再追問落去。

係旁邊嘅小春聽到後就話：「你膽心人就去探下人啦。」

「點探啊，我又唔知佢住邊，而且無啦啦上人地度好似唔多好。」我答。

然後，小春比左張紙條我後話：「做兄弟，幫到你呢度。」

我拎左張紙然後問佢：「咩黎架？」打開左，係一個場址黎。



「澧琳地紙啊，有日我幫個賤輝排更，入左佢ＯＦＦＩＣＥ果陣偷返黎架，對你都算有心啦，幫到你咁盡。」小春一臉好得戚咁話。

「但係……係啦啦去人地度真係唔多好ＷＯ。」我話。

「如果你無膽的話，我同你一齊去囉。」小春拍晒心口講。

我望一望佢，再望一望張紙……「都係比我再諗諗先。」