[絕對無糖分]就係咁，我搬左入一幢充滿一樓一嘅唐樓: ４３　姐姐仔們的聚餐

「喂，妳去拎Ｄ筷子出黎啦。」

「無名比妳叫咩仆街，成撚日剩係識指人做野。」

「啤酒呢，唔係買左好多架咩。」

「係雪櫃啊，叫ＹＵＫＯ拎筷子果陣順便拎埋啦。」

「屌妳地咩，又洗９我做野。」



「……等，等我幫妳啦。」

「都係ＬＩＬＹ最撚好。」

以上嘅對話，係我眼前呢班姐姐仔嘅。

又搬入黎到而家，我第一次參加佢地定期嘅聚會，係舅父屋企個大廳度，枱上面好多佢地自己親手做嘅小食、薯片、啤酒汽水……就好似星期六日，旺角東條橋上面Ｄ工人姐姐聚餐咁豐富。

講晒粗口果個叫做ＹＵＫＯ，亦都係我黎呢幢大廈果晚，第一位見到嘅姐姐仔，我仲好記得佢果陣把聲同佢好嫵媚嘅眼神。



點解？因為當妳識佢真人後，妳就知道佢有幾大出入，我成日都叫佢呢個人前人後狀態做，「上身」。

當然，佢地對呢兩個字無反應，相反仲好受落添。

「喂～～～ＬＩＬＹ，唔叫埋妳媽媽過黎食？」ＹＯＹＯ問。

「佢訓左拿，唔好叫醒佢好Ｄ。」ＬＩＬＹ係廚房拎左一大堆野出黎，跟住後面嘅ＹＵＫＯ就兩手空空咁。

「妳條友又蝦ＬＩＬＹ。」講緊野呢個係ＶＩＶＩ，第一晚著護士裝果個呢，之後問返佢果晚係我醒之前，有無對我下面做果Ｄ咩，原來佢有學過穴位推拿同針灸，佢果晚見到我下面腫成咁，幫我針左幾下ＷＯ……唔知我無撚用左，關唔關佢事呢？



而佢就一手攬住坐人旁邊嘅小雨，而小雨就好小鳥依人咁痴住佢，係啊，佢地兩個係情侶黎，一對女同性戀情侶。

咩話！？做雞都有同性戀！？我諗你地一定會咁話，好正常，當我知道佢地係女同性戀情侶嘅果一刻，我都係咁嘅反應。

「係囉，成日都搵ＬＩＬＹ笨，妳啊，一用晒Ｄ　ＤＯＭ就去問ＬＩＬＹ度拎，呢Ｄ公家野問龍威哥拎就得啦，係都要成日煩ＬＩＬＹ。」ＣＯＣＯ話，然後ＹＯＹＯ又加多句：「係囉，成日拎人地Ｄ野。」

「喂，唔撚好講到妳地無份ＷＯ，妳兩條友一無ＫＹ都係去ＬＩＬＹ度拎咋ＷＯ。」ＹＵＫＯ反擊。

望住佢地咁樣嬉笑怒罵，又望一望彩虹姐笑得咁開心，我諗佢應該無再為伯伯果件事咁傷心。又或者，做佢地呢行可能見慣好多事，雖然總有一兩件事令佢地好上心，但已經被「世面」呢兩個字好好教化左。

係同佢地傾笑當中，聽到ＹＯＹＯ有買左Ｄ野要搬返屋企，但係得ＹＵＫＯ同ＣＯＣＯ兩個人去幫手唔夠，其他姐姐仔又唔得閒。

「喂，蕃薯仔，食我地咁多野，幫下手得唔得先。」ＶＩＶＩ姐講野幾時都咁豪氣，唔知對住Ｄ客係未都係咁呢？

「我無所謂啊，幾時？」我問。



ＹＯＹＯ聽到後就話：「今個星期日朝早啦，你得唔得？」

我諗左諗，果日好似ＤＡＹ　ＯＦＦ黎，「應該無問題。」我答。

「好，咁約實架拿，果日搬野，有你最鍾意嘅雪櫃紙皮盒架。」ＹＯＹＯ講完之後，全部姐姐仔大笑。

頂……佢地笑緊我第一晚匿左係個雪櫃紙盒度射精……