[絕對無糖分]就係咁，我搬左入一幢充滿一樓一嘅唐樓: ３５　愛情靜止氛圍

已經出左ＰＯＳＴ好幾日，但係都無咩正面消息，得到嘅，都只係一堆垃圾嘅ＭＳＧ……

問有無酬勞、係未賣古董、偵探社、行家、甚至好多話搵到嘅假ＰＯＳＴ……

呢幾日我去左好多唔同地方，都係果Ｄ話搵到玉佩嘅假ＰＯＳＴ而約嘅地點，好多去到都係被放飛機收場，甚至有次我等嘅途中，見到連登開ＰＯＳＴ撚我嘅ＴＯＰＩＣ……

以前鍾意睇其他人被撚狗，估唔到今日……輪到我……

我真係好唔憤氣！點解！點解我第一次咁用心去做一件事！竟然會徒勞無功！仲要比人撚……



失落……灰心……究竟，有無同路人同我而家心情一樣……

「蕃薯，你無事嘛？」澧琳聲音響起，將我由悲痛中拉返出黎，我望住眼前剛剛炸好嘅薯格，然後又聽到澧琳話：「Ｄ薯格就燶……」

我即刻拎起Ｄ薯格……「仆街……實比個賤輝鬧。」我無力咁將Ｄ燶左嘅薯格放係一邊，嘆左口氣，而澧琳就問：「你呢幾晚都好似無咩心機咁，係未發生左Ｄ咩啊？」

我望一望佢，然後話：「……我發覺，原來當我想做成一件事果陣，先發現自己原來係好渺少，渺少到，覺得點解以前唔把握時間，令自己變成一個有用嘅人。」講完後，我繼續望住堆薯格。

而澧琳就話：「傻啦，炸燶左Ｄ薯格姐，炸過就得啦，如果妳驚比經理鬧的話，今次就我幫你手頂左佢啦，報你上次同我換更嘅恩。」



每次澧琳嘅微笑，都可以舒解的人中嘅不快。

「澧琳，多謝妳。」我話。

在場，突然間靜晒咁……咦，呢個係唔係傳說中嘅愛情靜止嘅氛圍啊！？點解？點解我眼前嘅澧琳塊面咁紅嘅？我……我係唔係要而家咀落去呢？

等等！？我諗緊咋ＷＯ！點解個身好似離澧琳愈黎化近嘅！？

原來，係我個身不由自主咁接近澧琳。



但……就係呢個時候……

「喂！你打茄輪留返一陣先好唔好啊！經理催拿死仔！」……Ｐ你個Ｋ咩小春，就係你呢一句說話，我同澧琳嘅愛情靜止氛圍突然無晒……

「小春！！！！！！！我……我拎比經理先……」澧琳紅都面晒咁走左，而小春就露出一副淫邪嘅表情望住我話：「估唔到你同澧琳發展得咁快ＷＯ。」

我懷滿恨意咁望住小春，「快你個頭，你唔出現就快，你一出現又慢返晒。」

但係，我察覺到，除左小春在場外，原來小春後面不遠處，男神ＫＩＮＧ都望住我，唔知頭先我同澧琳嘅呢一幕，佢睇唔睇到呢？