[絕對無糖分]就係咁，我搬左入一幢充滿一樓一嘅唐樓: ３４　簿盡綿力

我：彩虹姐，我想問伯伯有無同妳提過玉佩嘅野
彩虹：有啊，你又知有玉佩呢件事？
我：今聽婆婆講，想問妳有無玉佩Ｄ相？
彩虹：有啊，你等等，我搵到ＳＥＮＤ比你

我打開部電腦，打左一邊，我一直都未試過打嘅尋物ＰＯＳＴ，平時，都係Ｄ　ＡＧＥＮＴ叫我打Ｄ　ＰＲＯＤＵＣＴ介紹，講真，我通常都係搬字過紙或搵Ｄ罐頭文改。

今次咁上心開ＰＯＳＴ，都係第一次。

雖然我知道自己唔係Ｄ出名ＫＯＬ，但係我有好多假ＡＣ，希望可以用其他方法，令到有人知道呢件事。



因為，聽完伯伯同婆婆嘅事後，我都想盡一分力。

……由細到大，我都未試過有呢種感覺，想幫人做一樣野。

呢Ｄ唔同我讓更比澧琳果種，呢次係有一種……不可為而為之嘅感覺。

ＰＯＳＴ內容打好，只係差彩虹姐張相，然後，我仲用我所以假ＡＣＣＯＵＮＴ出ＰＯＳＴ，我已經預左一個心ＡＧＥＮＴ鬧嘅心態，不竟果Ｄ假ＡＣＣＯＵＮＴ，佢地都用緊，見到無啦啦有個唔關事嘅ＰＯＳＴ實嘈我。

以前可能會不顧一切咁同朋友玩通頂、課金打機或者做Ｄ好白痴嘅事，不顧一切得黎好唔踏實。但今次嘅不顧一切黎得好實在，實在到我覺得，自己根本唔會做出呢Ｄ事。



今晚，就係呢一種感覺下訓著。

直到，第二朝，見到彩虹姐ＳＥＮＤ黎嘅圖片ＭＳＧ，一切，都準備好，希望呢一次，我可以簿盡綿力啦。