[絕對無糖分]就係咁，我搬左入一幢充滿一樓一嘅唐樓: ３１　又夢見陰陽怪

返到上去後，當然又同龍威哥講我頭先聽左Ｄ咩，只見佢叨住枝煙，粒聲都唔出咁望住個閉路電視若有所思，而我都無再煩佢。

係廳果度，舅父同佢Ｄ雀友打緊牌、集種督緊電話、提子哥用電話約緊女、小春就應該係房大覺訓緊。

而我都靜靜咁返入房。

知道一切因由後，睡意終於從新襲來，我訓左係床上面，慢慢咁訓著。

發夢……又見到果位女人樣阿伯聲嘅陰陽怪。



「喂！又見到你ＷＯ！」個陰陽怪話。

「……你估我想見到你架咩，我好眼訓啊。」我答佢，然後發現，我唔知比邊個綁住左係張床上面，「喂，邊個綁住我啊！」

個陰陽怪行到我身邊，然後話：「無人綁你，係你自己綁自己。」

「咩啊，我邊有自己綁自己。」我話，然後拼力咁爭扎。

「唔駛爭扎，呢Ｄ繩叫做勞累繩，因為你太累先會咁姐，休息夠就無事架拿。」佢將個頭湊埋黎，指一指我下面話：「點啊，上次到而家，你果度係未仲未有反應啊？」



我唔好氣咁話：「係啊，仲未有反應咁又點啊。」

個陰陽怪就話：「但我見你呢排都好積極咁見緊世面，唔通就未有一件事令你有大改變？」

聽到佢嘅說話後，我好奇一問：「見世面同我下面有無反應，有咩關係？」

又係果個令人好心寒嘅笑容，佢笑住同我講：「你就係無咩點見世面，無咩經歷，所以做人先咁廢，個天都頂你唔順，所以派人拆你祠堂，等你無反應，要做返個真真正正有擔當嘅人先比返反應你。」

「下！？？？」我聽到後就話：「但好多人都同我一樣咁廢架啦，點解係得我會係咁！」



「咁就要多謝你阿媽拿，你阿媽成日求神希望你生性，神明見你阿媽咁神心，所以決定幫你一把，派左我落黎，幫你手。」陰陽怪話。

我聽到後，諗左諗就話：「咁你黎幫我，直接變我做有擔當嘅人就得啦，唔駛又拆祠堂咁掛。」

「你估我想架，我上面犯左Ｄ事，被罰落黎先幫你，你下面Ｄ反應其實係我今次任務Ｄ功德黎，所以當你有一日能夠扯得返旗，亦都代表我功德圓滿可以返上去。」陰陽怪話。

「下！？姐係話我而家無撚用，係拜你所賜！？」我嬲嬲地話。

而陰陽怪諗左諗後話：「你咁講，其實都係……不過唔好理咁多，以後我地好好合作就得啦。」

「合作！？咁你都要教我點樣先合作架！」我話。

「放心啦，機會黎嘅時候，我就會出現，就好似今次咁。」佢話。

「今次咁？今次點？」我問。



而佢諗一諗後答：「……我都唔知，不過只可以話你知，應該關果對老夫婦事。」

我心諗，果對老夫婦可以關Ｄ咩野事呢……諗諗下，突然聽到電話個鬧鐘聲。

「夠鐘拿，下次再傾。」陰陽怪一野打左落我個頭度……「嘩！！！……咦？」我嚇到彈左起身，「仆佢個街……下次提佢叫返我起身，唔好打頭先，個頭好撚痛。」