[絕對無糖分]就係咁，我搬左入一幢充滿一樓一嘅唐樓: ２８　邊個係菁菁

－－－－會以彩虹姐第一人稱－－－－

咩野菁菁啊？我叫彩虹ＷＯ，就算我真名都唔係叫菁菁啦，不過走左都好，頭先嚇撚死我，幾驚係鬼或者係癲佬，不過要個婆婆拉走嘅，我諗都係有腦退化症。

……頂，個頭好痛，唔諗咁多，訓醒先講，聽日都唔知開唔開到工。

就係咁，我倒頭大睡，到我醒果陣時，已經係夜晚８點幾。

「喂，你快Ｄ走好ＷＯ，你知唔知咁企係度好阻住架。」



「係囉，又企到隻鬼咁，Ｄ人黎到都比你嚇走晒啦。」

「聽唔聽到啊，走啊。」

門外面咩事咁嘈啊，我望一望床尾個閉路電視……頂！個阿伯又係度嘅！？

原來頭先Ｄ聲，係我旁邊Ｄ姐姐仔鬧個阿伯Ｄ聲！仆街！仲要係我門前面，影響到班姊妹添……

就係呢個時候，阿伯個電話又響……



「喂！好撚嘈啊！熄左佢啦阿伯！」

「你係未特登架！」

「快Ｄ叫龍威哥落黎趕走佢啦！」

下！？要驚動到龍威哥！唔係掛！咁好大鑊ＷＯ！

如是者，我打開左道門，而伯伯一見到我後就叫：「菁菁、菁菁、菁菁……」



伯伯，我唔撚係叫菁菁啊！

「彩虹，妳幾時改左名叫菁菁架？」其中一位姊妹問。

「無改過，一直都叫彩虹。」我答。

「唔係ＷＯ，阿伯指住妳叫菁菁ＷＯ，係未妳以前Ｄ熟客啊？」另一個姊妹又問。

「唔係啦，我一直都係度做無轉個場，係熟客一定知我叫彩虹唔係叫菁菁。」我又答。

「但係佢好似真係識妳ＷＯ。」又另一個姊妹加把咀埋黎。

頂……係未我今年犯太歲當黑呢，無啦啦發生呢Ｄ事。

「唔好理咁多住，伯伯而家好似識妳，不如妳搞店左佢同佢部電話先啦，影響到我地接客啊。」有位姊妹好唔老脾咁話。



「係囉，今日仲未有客入閘啊，妳快Ｄ同我搞店佢。」呢位姊妹講完後，就返去自己架步，而其他姊妹都陸逐關門，成個巷得返我同果位伯伯。

「菁菁、菁菁、菁菁……」伯伯，你有無其他野講架，剩係識得講呢兩個字？算，搵下伯伯部電話係邊先，要熄左佢唔好咁嘈。

而就係呢個時候，有把好老嘅女聲傳出：「妳想對我老公做Ｄ咩……」我望向聲音來源地，原來係今朝拉走伯伯果位婆婆，而婆婆同我四目交投果一下，一個驚訝嘅表情，然後講左句：「菁菁！？」

屌！究竟邊撚個係菁菁啊？