[絕對無糖分]就係咁，我搬左入一幢充滿一樓一嘅唐樓: ２６　一個早晨

講真，先前我都係門口裝過彩虹姐間房入面有咩，入黎……真係第一次。

間房嘅架局，其實好細，行嘅地方得果幾步，然後就係張床，床果邊兩面牆係塊鏡，應該係照到全身果Ｄ落地鏡，再睇真Ｄ，不來天花版上面都係塊鏡黎。

另一面牆上面，掛左一張螢光色嘅紙，紙上面寫嘅野好似係價目表黎……咩野全套、ＨＪ＋ＢＪ、環保吹＋制服、莞式、帝皇式、女朋友式……

嘩！原來有咁多野架？

係價目紙旁邊，掛左好多唔同嘅制服，多到我都睇唔清係咩制服黎。



間房入面仲有個雪櫃仔，一堆毛巾，床頭前有個架，架入面好多野唔知係咩黎，有個顯示屏係ＳＨＯＷ出面閉路電視Ｄ畫面，然後仲有個廁所……

間房大致上就有咁多野。

仲有，果一種味，果種我講過乾淨又噁心嘅味。

「坐啦。」彩虹姐話，然後示意叫我坐係床邊，而佢就坐係旁邊張細椅上面，「做咩無啦啦㩒我鐘仔啊，唔通你想幫襯我？」

「唔唔唔唔唔唔係啊。」我口都窒晒咁答，而佢就笑到好大聲話：「講笑咋我。」



彩虹姐笑完就倒左杯水比我，然後問：「咁你想問我咩野？」

其實，我都唔知點開口問好，但係彩虹姐好似睇穿我咁，問我：「係未想知頭先個位伯伯Ｄ野啊？」

咁勁嘅，一野就睇穿晒，「……係啊。」我傻笑左幾聲後答。

彩虹姐微笑左下，然後就話：「呢件事要由好幾個月前說起，講真，當我見到呢一對老夫婦果一刻，我都呆，但我聽到佢地黎嘅原因後，我就明白晒。」

突然，門鐘響起……「叮～～咚～～」



「係ＷＯ，唔記得翻牌添。」彩虹姐話，然後企左起身開門，而我就同佢講：「如果我阻住妳開工，我可以遲Ｄ先聽架。」

但彩虹姐好似無理我講咩，只係開左小小門，同門外面出面個客話：「唔好意思，有客唔記得翻牌。」

然後，彩虹姐將個牌反做「請等候」，我係門縫到見到個客有小小失望嘅眼神，直到門關上後，彩虹姐坐低同我講：「一個兩個客唔緊要啦，且而，佢地兩個嘅故事，多個人知會好Ｄ。」

「咁係點架？」我問。

彩虹姐又微微咁笑左下話：「咁就要係幾個月前嘅一個早晨講起。」