[絕對無糖分]就係咁，我搬左入一幢充滿一樓一嘅唐樓: ２１　女神有心事？

咁樣比ＹＯＹＯ激一激，再加上事後比賤輝鬧左鑊，如果唔係因為澧琳幫口同哄返，我諗我而家仲嬲緊。

今日同澧琳一齊放工，其實有時我地兩個一齊放工的話，都會行下先ＳＡＹ　ＢＹＥ，今日都唔例外，陪下佢睇下野咁，但今日我察覺到澧琳好似有Ｄ心事，應該唔只係今日，呢排佢都係咁。

「妳呢排好似有少少唔開心。」我同佢講。

而佢，靜左一秒好答：「……無啊。」

女人話無一定有，連登巴打係咁教，我諗佢一定有事。



「其實，有咩唔開心都可以同我講架。」我話。

而澧琳都係靜左秒，笑一笑話：「……放心啦，我一有唔開心實會同你講。」

送左佢去坐車後，我都返去，途經一個公廁換返套衫後，行到幢野樓下，見到好多人係度行出行入……係，我撞正高峰時期返黎。

呢個場面係呢兩個星期都見過好幾次，見得多後你會發現一個好得意嘅情況，呢Ｄ等緊姐姐仔嘅客都係有共同目標咁等，但佢地互相擦身而過果陣，都形同陌路人一樣，甚至係一齊企、排緊隊，都唔會有咩交流，都只係低頭玩緊自己部手機。

但係，只要當佢地有眼神接觸果一刻，都會有一種我懂你嘅意思，但呢一下眼神，會快到連一秒都無就互相回避。



就好似，彼此唔想煩到彼此黎呢度尋開心咁。

當然啦，偶然都會有Ｄ人係聯群結黨咁黎洗樓，但都唔係出現好多次，亦都有人好大方咁問其他「出閘」嘅人條囡得唔得。

係，「出閘」解個男人完事係囡囡房出返黎，而相對地，「入閘」解Ｄ客睇岩囡囡而入去消費。

每日當係高峰期返去，我都會見到呢個好特別嘅現象。

返到上去……「碰！」舅父又係度打緊牌，雀友又係果三個人。



「蕃薯仔，返黎拿。」舅父唔駛望都知道入黎果個人係我咁勁嘅。

「係啊，放工返黎，有少少累，我都係入房先拿。」我答。

「好啊，你休息下先啦，係ＷＯ，頭先有個速遞係比你架，我放左係你房拿。」舅父答。

我聽到後，諗再諗，唔通係……「好啊，唔該舅父。」

返到房，見到枱面有盒野，我諗應該係舅父所講果個速遞，我拎起後就即刻拆開，等左成個星期終於到！！！

係咩黎？我先前未話我有買開篠田步美呢個女優嘅片嘅，而呢個速遞就係我上網訂返黎，拆開左個盒，見到個封面主題，係未亡人。

其實主題果Ｄ野我好少理，睇ＡＶ通常都係睇動作場面姐，理得佢劇情係咩，Ｊ到未得囉……Ｊ到……唉……

我呢兩個星期，成日經過樓下Ｄ架步，日日都見到Ｄ姐姐仔著住性感內衣係個巷行黎行去，都係起唔到頭……我究竟幾時先好返？



無奈……無力……真係哭撚左……

但就算無得Ｊ，都開下條片睇下啦，當練下自己定力囉。

不過我呢個無撚用左病又好奇怪，我睇住片入面篠田步美好落力咁同男優肉博，其實我係有性衝動，只不過係下面支野唔聽話。

呢種感覺好矛盾……

就係我第一次唔打Ｊ狀態下睇篠田步美Ｄ片之際，突然間有個人開左我房門，然後話：「蕃薯仔，阻唔阻你啊？」

我真係嚇撚左一跳，我下意識將播緊片嘅電腦顯示返個桌面，然後著褲個動作……咦？我今次都無打Ｊ，唔駛著褲架ＷＯ，之後我企左起身望向門果邊，未睇清係邊個就話：「……唔阻。」

我望一望，原來係兔女郎ＣＯＣＯ。