[絕對無糖分]就係咁，我搬左入一幢充滿一樓一嘅唐樓: １７　不軌嘅眼神

一邊上樓，小春就一邊係好面９叫……

「呢度環境唔錯ｗｏ！」小春話。

「……你未咁嘈啦，一陣嘈住人啊。」我話。

「點會嘈到人啊，呢ｄ地方通常都係室內嘈過室外架啦……你唔信而家試下唔講野，細心ｄ聽下有咩聲？」小春閉上眼，一副享受緊交響樂嘅表情。

而我竟然又會聽佢講，唔出聲聽下有咩聲。



然後，我只係聽到每一間房內，傳出女性嘅呻吟聲，以及男性嘅咆吼聲……

「哈尼！」「哥哥！」「老公！」「爸爸！」……下！？叫爸爸都得！？

「正唔正啊！」「勁唔勁啊！」「爽唔爽啊！」……原來真係會咁問架？

「比我！比我！比我！」「比！晒！你……」……咁似比人打劫果陣ｄ對話嘅。

「又有一位兄弟完成左偉大嘅人類責任。」小春露出滿意嘅表情話，而我就無奈咁答：「……真係唔知原來你對呢方面係咁有研究。」



「係未人不可以貌相呢！」佢好得戚咁話。

唔係，如果馮你副尊容，應該一早知道你係咁，我認今次係我ｏｎ９咁都睇唔清。

我無再理佢上樓，而佢就不停叫我唔好行咁快，我真係睬佢都傻，去到屋企門口，拎左舅父今日交低嘅鎖匙出黎開門。

係開門果一刻，我都無諗ｄ咩，但開完門之後，望到眼前光境……ＦＵＣＫ！唔記得舅父呢度仲有其他住客！！！

而且，係果位叫提子哥嘅人，佢上半身咩都無著，下表身只係著左條底褲，跪左係個櫃前面唔知搵緊ｄ咩。



小春見到咁，望係我耳邊問：「喂，你唔係雜食到咁掛……」

我用一個痴撚線嘅目光望住佢，叫佢唔好亂諗，而提子哥都好似察覺到我地存在，又係一開口就出口成文咁話：「仆你個街啊，行路無聲我就見過姐，開門無聲嘅撚樣都係第一次見，返左黎幾耐啊。」

佢真係咩都可以拎黎話一餐架ｗｏ。

「……剛剛返到姐。」我答，而小春聽到佢一開口就鬧有少少唔係幾好老脾，係我耳邊問：「呢條友邊撚個黎架，把口咁臭嘅。」

「……同屋主黎。」我答。

而提子哥就係個櫃拎左兩個安全套出黎，企左起身同我地講：「我帶左囡囡上黎ＨＡＰＰＹ，一陣你地唔好咁嘈啊。」然後佢就行返入房，而行入房果陣經過我同小春時，佢望一望我地兩個後話：「估唔到你都幾雜食ｗｏ。」

我同小春即刻用一個「你都痴撚線」嘅眼神望住佢。

提子哥無理我地兩個，入到房就大大聲開波。



而我同小春就去到我房，我就將我點解搬到黎呢度嘅來龍去脈講比佢聽。

「喔～～原來你比伯母趕左出黎。」小春話：「都叫你平時比家用架啦。」

「唉……唔好再提，我都唔知今次我衰ｄ咩，又無同佢嘈過，事情又無發生過咩大件事嘅野。」我答。

「唔比家用已經好大件事啦，我老母只要我遲比一日家用，佢都嘈到拆天咁。」小春話：「不過你而家住係呢度咁近返工嘅地方，一陣比同事點算……澧琳知道你仲唔死！」

「所以我未著到成個通緝犯咁落樓囉……」我答佢：「我諗呢一段時間出街，都要著到咁落樓先……係ｗｏ！你唔撚好同我講比其他人聽啊！唔係我真係殺撚左你，然後著草去台灣架！」

「關去台灣咩事？」小春問。

「你未理，返黎香港果個都未去台灣，咁我去台灣都唔撚駛返香港架姐。」我理直氣壯咁答佢。



小春反左下白眼後話：「都唔撚知你講咩，不過，如果你應承一樣野，咁我就打死都唔講。」

我望住小春呢一個不軌嘅眼神，我就知佢而家個腦無咩好野諗。