[絕對無糖分]就係咁，我搬左入一幢充滿一樓一嘅唐樓: １８　ＪＩＮＧＬＥ　ＢＥＬＬ

「喔～原來你係蕃薯仔個同事兼老友啊，咁以後係度多ｄ陪蕃薯仔拿。」呢一句係我舅父嘅對話。

「無問題！我同佢好好兄弟架！差在仲未一條底褲兩份著咋！」小春……你可唔可以再核突ｄ……

係啊……以上嘅對話，係小春用唔爆我係度住嘅要求，佢話都要搬入黎住ｗｏ。

幾錢租？佢話要免費啊仆佢個街！好彩我舅父錫我，而且佢又唔志在收租，所以好快就答應左，就係咁，小春都搬埋入黎，但佢講過話只會當呢度係炮房，唔會長住ｗｏ。

……又係另一個提子哥。



……男人真心真係咁爛滾咩？連我自己係男性都開始懷疑。

其實只要佢唔爆響口，都不失為一個唔錯嘅交易，起馬我住係度可以多個伴無咁悶先。

唔係啊！我唔係唔合群啊，而係……我唔係幾識同果三個同屋住相處，舅父的話佢由細就睇到我大，熟到咩咁就唔駛講啦，但果個提子兄，除左打牌同扑野，我就無見過佢有其他嗜好，咁同佢講咩好？

至於個龍威哥……講真，我有少少驚佢，佢裡裡外外都散發住ｄ江湖氣息，我諗爆頭到最後只係諗到，同佢唯一可以交流到嘅，係叫佢踢我入會囉，但我咁細膽點會咁做……

只於個集種，佢一日到晚都剩係對住五部電話不停ｓｄ　ｍｓｇ，我諗同佢傾計，扮個比佢呃嘅人ｓｄ　ｍｓｇ比佢，佢實會秒覆，正正常常ｓｄ　ｍｓｇ比佢，佢鬼會理我。



但相反……小春就好快融入左佢地，而且同提子哥仲一見如故咁，佢地兩個時不時都會交換雞經，小春就好似當左提子兄係佢偶像添。

而返工果邊，小春就真係無爆我而家住邊度，但自從由佢搬左去我度開始，佢返工果陣時不時都講關於叫雞嘅野，當然無咁明顯啦，佢用晒提子哥教佢ｄ術語不停係我身邊講。

希望其他同事都唔識呢ｄ術語啦，唔係實會以為我同佢一齊上青樓。

「喂，做咩一邊做野一邊發呆啊！」呢把聲咁甜，實係佢！

「澧琳！」係啊！我女神啊！佢把聲我一定認得！



「上次唔該晒你啊，肯同我調更。」澧琳把聲真係甜到呢，搞到佢每次講野我都要停一停先記得返佢講過ｄ咩。

「唔緊要啊，妳搵得我調更，實有重要嘅野通理，我幫下手無所謂啊。」我答。

「蕃薯你真係好好人啊。」澧琳又讚我！！！

澧琳對我甜笑左一下，然後就細細同我講：「其實果日我真係有少少唔方便返唔到工，係你知好拿，唔好同其他人講啊。」

「……唔方便？」我問。

「哎呀～女仔果ｄ唔方便啊，蠢。」澧琳好細力咁打左我一下。

「哦，知道知道。」我答。

然後澧琳又問：「係呢，你覺唔覺得最近小春好怪啊？」



……死火。

「點……點怪法？」我問。

「佢呢排成日講ｄ野都好難明咁，好似問ｄ客要唔要手套，佢就問人環唔環保，又咩食完要包膠又點咁，仲有啊，聖誕都未到就成日講ＪＩＮＧＬＥ ＢＥＬＬ，佢有咁鍾意聖誕架咩？」澧琳一連串嘅問題，我都比佢問到口啞啞。

「……我都唔知啊。」呢個係我諗左一陣嘅最後答案，我緊係答唔知啦，唔通同佢講呢ｄ係叫雞術語黎，我驚佢一陣以為原來叫ＫＦＣ開始要用暗語啊。

「仲以為你同佢咁ＦＤ，你會知添，不過小春最近咁怪，你都係唔好痴咁埋好ｄ。」澧琳好關心咁講。

有澧琳咁關心我，我真係死而無憾啊。

「喂！兄弟！咩事發呆啊！想一陣ＪＩＮＧＬＥ　ＢＥＬＬ！」仆你個街啊小春，我同澧琳聯絡緊感情，你唔好無啦啦又ＪＩＮＧＬＥ　ＢＥＬＬ好ｗｏ，我知呢個係提子哥教你，ＪＩＮＧＬＥ　ＢＥＬＬ姐係㩒鐘仔意思。



「……我都係去做野先，蕃薯，你記住我講ｄ野啊。」澧琳唔好意思咁走左。

望住澧琳女神遠去，我怒睥小春話：「做咩破壞我同澧琳獨處嘅時間！！！」

而小春就笑到烚熟狗頭咁話：「ＳＯＲ９ＲＹ囉。」

我都無佢咁好氣，正當我想重返工作果陣，我發現男神ｋｉｎｇ原來一直睇住我做咩，唔通……因為澧琳同我傾計？