[絕對無糖分]就係咁，我搬左入一幢充滿一樓一嘅唐樓: １６　小春

我做呢間ＫＦＣ其實唔算太忙，係星期六日果陣會多人ｄ，不過最近開左間ＪＯＬＬＩＢＥＥ係附近，整到好多外籍朋友都過左擋，生意少左，姐係代表工作量都少左。

我地個經理賤輝好少理生意，佢只會擔心每日有無女同事返，人如其名，呢條友好撚賤，對ｄ女仔摸手摸腳，又成日蝦ｄ男同事頸示自己ｄ威信。

不過全間ＫＦＣ都無咩人鍾意佢，反而好多野都由男神ｋｉｎｇ發號施令……都係果句，靚仔嘅分別係唔同ｄ。

而賤輝成日都想搵機會落男神ｋｉｎｇ面，只不過ｄ女同事成日維護佢，令到佢次次出手都泡湯。

有時我都好矛盾，一方面想睇到男神ｋｉｎｇ出醜，但令一方面又唔想見到賤輝ｄ得戚樣。



做左陣野，不停同小春吹水之中渡過，佢不停同我講今晚上我度打機，但我而家搬左去舅父度，下面又咁多架步，我一定唔會比佢上去。

因為我識得小春耐，佢好大機會四圍講出去。

我用左好多借口拒絕佢，但佢係咁用幫左我係澧琳面前拎表現呢點反擊……睇黎今晚我真係要自己偷偷地咁走先得。

好快就ｈｅａ到放工，本來想甩左小春呢個煩友，但係佢好似貼身膏藥咁跟出跟入，就算我跑都甩唔開佢。

「講！你實有野瞞住我！點解唔比我上你度！」小春係後面跟到實一實。



「小春哥你放過我啦！你跟左我幾十條街拿！我想返屋企啊！」我係前面跑住答。

「我唔信！你邊係想返屋企！你返屋企都唔係呢條路！」小春答。

「呢排真係唔方面上我度打機啊！一係我去你度啦！」我答。

「下次先上我度！今次一定要上你度！你一定有野瞞住我！！！」小春答。

死啦，我記起小春以前係長跑校隊黎，再咁追落去我斷氣都未甩到佢……如是者我地兩個係附近跑左１０幾個圈後，我選擇放棄……「……我帶你上我度都得，但你要發毒誓，唔可以將件事講出去……」



「無問題！」仆佢個街，佢跑左咁耐仲係咁好中氣……

到最後，我都係要帶佢去我度，當然上去前我又係換好晒衫，戴晒帽、黑超、口罩……佢見到我咁，突然一臉心寒咁問：「……你著到成個通緝犯咁，唔會係殺左人掛？」

我無奈咁望住佢話：「如果我要殺人，第一個一定係殺你。」

最後我不情願咁帶佢到我而家住嘅舊唐樓下面……「哦～～～原來你條死仔想上青樓，早ｄ講埋唔駛咁秘密，呢方面我在行啊。」

「下！？你在行！？」我問。

「男人血氣方剛，緊係要黎呢ｄ地方發泄啦。」小春笑笑口話：「但你呢個架步我又真係未試過ｗｏ，ｄ囡囡好得架？」

無言……「我而家住呢度最頂層啊。」我答佢。

「嘩！你咁識食租呢ｄ地方，方便食女ｗｏ。」小春笑得好淫咁講。



然後佢跟住我後面，好興高采烈咁跟我上樓……