[絕對無糖分]就係咁，我搬左入一幢充滿一樓一嘅唐樓: １５　ＫＦＣ

落到樓下，我好似個通緝犯咁左顧右盼咁，慌死有認得出我咁，快步咁行到附近一個公廁換左衫，然後先鬆返一口氣。

唉……唔通我以後都要好似今日咁，要袋住套衫四圍走？

唔理呢ｄ住，因為要換衫嘅關係用多左時間，仲有１０分鐘就到３點，我諗要跑過去先得。

就係咁我由公廁跑去返工果間ＫＦＣ度，入到門口，已經見撚到個仆街經理睇住自己隻錶，望撚住我倒數緊，「６、５、４……」

「到！！！」我係叫面前大叫左一聲，佢不肖咁望住我話：「你今日好撚彩，比我捉到你遲到就死。」



屌，人做經理佢做經理，其他經理邊有佢咁撚賤同狗架，我地全部人都叫呢個經理做賤輝。

行到去，寫返低自己返工時間，突然感覺到身後有一股殺氣，實係佢……

「千年殺！！！」

「我閃！！！」

能夠同我一齊咁ｏｎ９咁玩嘅，實係我個好兄弟小春，我閃開左個從後攻擊，佢手指直插左落個ｂｏａｒｄ度，「屌你咩！千年殺駛唔駛咁撚認真啊！咁大衝力可以落到塊ｂｏａｒｄ度！如果唔係我閃到！我變菊花殘啦！」



小春笑笑口話：「咁你就可以請ｓｉｃｋ－ｌｅａｖｅ囉，係ｗｏ，你今日ｏｆｆ點解返嘅？」

我裝出一個瀟灑的樣子回答佢：「澧琳，搵我調更。」係呢一刻，我覺得我擁有左呢個世界。

「哦～～～原來最後搵左你，咁你要多謝我拿。」小春嘅回答，我呆左呆問：「點解要多謝你呢？」

小春回應：「本身澧琳佢係問我，但我話本身已經返左呢個鐘數，然後叫佢搵你，我話你實答應佢所有要求。」

突然間，我覺得我面前呢一位兄弟都仲有少少用處，「我覺得你今日好靚仔。」



「唔好咁好口，總之放工你要請我食飯。」小春話。

「無問題啦，做野先。」我答。

然而，我再望一望更表，澧琳本身要返嘅時段當然ｏｆｆ左啦，但我發現，原來呢間ＫＦＣ嘅男神ｋｉｎｇ都係ｏｆｆ左……

講起呢個男神ｋｉｎｇ，我一直都視佢為我嘅勁敵，因為每次當我望住澧琳果陣，我都發現澧琳會望住男神ｋｉｎｇ，但係我察覺到男神ｋｉｎｇ又好少理澧琳……錯，應該係男神ｋｉｎｇ好少望呢間店入面所有嘅女性，甚至連清潔姐姐都好少望。

但唔知點解，男同事們都覺得佢呢ｄ舉動係唔禮貌，但所有女同事就話佢呢ｄ係叫ｃｏｏｌ，有性格……

實係啦頂，毒撚唔講野就無禮貌，靚仔唔講野就係ｃｏｏｌ同有性格。

膚淺！！！！！