[絕對無糖分]就係咁，我搬左入一幢充滿一樓一嘅唐樓: １４　比人認到？

返到上去，離返工仲有一段時間，都係眠下搵野ｈｅａ先，好彩阿媽趕我出黎，都比返部ｎｏｔｅｂｏｏｋ我，等我可以打下機，有返ｄ樂趣。

就當我打緊機果陣，我電話震左震，望一望原來係女神澧琳嘅ｍｓｇ！？！？

講真，男人就係咁，如果係條女打機途中ｍｓｇ自己，真係睬佢都ｏｎ９，但而家係女神嘅ｍｓｇ，我咩都唔諗就即刻９衝去應機，我理撚得一陣比人屌９我雷佢地。

解ｌｏｃｋ後，即刻睇下女神ｓｄ咩比我先！

澧琳：唔好意思啊，臨時調更咁趕
我：唔緊要啦，我都無咩野做


澧琳：但你請左假，無安排咩節目咩
我：剩係打機囉
澧琳：對唔住啊，咁我係未阻住你打機啊
我：點會，妳叫到我實出現架
澧琳：多謝你啊蕃薯，你係最好嘅

女神話我係最好啊！！！呢一句夠我Ｊ足成日！！！

我：係呢？妳咁急調更係未有ｄ咩事啊？講我知我可以幫到妳的話實幫架！



在線上……
在線上……
在線上……

然後，變左無ｓｔａｔｕｓ……

澧琳一定係忙緊！一定係！我係佢身後咁重要嘅男人，一定要比足空間佢！

但係……會唔會佢出左事呢！？突然間無ｓｔａｔｕｓ　ｗｏ！？唔得！要打比佢先！



「你所打嘅電話，暫時未能接通……」
「你所打嘅電話，暫時……」
「你所打嘅……」

我諗，佢實係忙緊，都係唔好煩佢好ｄ。

返到ｎｏｔｅｂｏｏｋ前面，發現已經比人屌緊我雷佢地，我理撚得你地啦，我同女神講野係大晒架！！！

開場新嘅，無人同我一齊打最多單排姐。

就係咁，打機打到２點幾，係時候返工，我直接換左ＫＦＣ制服然後落樓……行到某層發現，原來樓下ｄ架步已經開晒……

行過某層，有兩個ＭＫ同我對視左一眼，以我咁多年經驗，同ＭＫ對望，我實係比人打果個，都係回避下佢地好ｄ，於是我頭耷耷咁行過佢地身邊，行多幾步，聽到佢地係我身後面細細聲講：「屌，你睇條死毒撚幾撚識玩，自己著住套ＫＦＣ制服搵Ｄ姐姐仔一齊玩ＣＯＳＰＬＡＹ啊。」

「頂！早知我都自備啦！」



「未係！蠢撚左！」

仆……街……果兩條ＭＫ以為我係黎叫雞！？

正常我想轉身同佢地澄清果陣，佢地已經急急腳行左去上一層，而我呢個時候諗，係樓梯口就咁經過，都比人以為我叫雞，咁如果我落到樓下，比ｄ同事見到咁點算！？！？

而且我返工地方同呢度咁近，比ｄ同事撞到機會好大架ｗｏ！！！

我唔理三七廿一即刻衝返上樓上，換過另一套少著嘅衫，然後袋好套制服，戴帽、黑超、口罩……著到而家咁，我諗無人認得我係蕃薯啦。