[絕對無糖分]就係咁，我搬左入一幢充滿一樓一嘅唐樓: １１　第一個晚上

舅父安頓左我係一間房之後，我就是但將行李放好，訓起張床上面望住果個貼住三上悠亞天花……唔知呢張海報舅父係點樣貼上去。

腦係度諗，點解阿媽會咁狠心對我，將我趕出門口，我係佢地心目中真係要廢到被聲出街咩。

一路諗，就一路心心不憤，

第一晚就係咁訓著左。

但發左個好奇怪嘅夢，呢個夢，似曾相識，係我頭先暈果陣都見過嘅影象。



有個人係我跨下好淫邪咁笑，笑到我好心寒，佢手上面仲拎住一個槌，不停向上拋、接住、向上拋、接住、又向上拋、再接住……

佢呢個舉動，直到我發現係我下面位置做時，我先喝停佢：「小撚心Ｄ啊，阿……阿邊個！」我面對住嘅呢個人，其實係一個樣貌唔錯嘅美女，但唔知點解總係覺得佢所有動作表情，都係一個大叔黎，所以我都唔知叫佢咩野好。

呢個人比我喝完後，就停左手，但仲係笑淫淫咁望住我，然後話：「小朋友，咩事比人拆祠堂咁慘啊。」

屌你啊！女人樣男人聲嘅條友，而且仲係阿伯聲黎！

我呆左望住呢個人，而呢個人又開始拋手上面個槌，但佢今次一接實，就向我下面一野轟落去……



「啊！！！！！！！！！……咦！？」本來我以為會好痛，所以一早就大叫左出黎，但慢慢發覺，一Ｄ感覺都無，我慢慢望住自己下面，無理由架ＷＯ，呢條友真係有打落黎架，但點解我一Ｄ痛都無。

如是者，呢條友又向我下面轟多幾下，而我都係無感覺地望住佢。

「呢Ｄ就係比人拆祠堂嘅後遺症。」果條友話。

我唔明佢講咩，但下意識咁自己對手去檢查自己果度……好彩仲係度。

「仲係度都無用架，無反應，無感覺，都無用架啦。」果條友話。



比人話果度無用ＷＯ，緊係老虎蟹都反駁啦：「你就無用，我下面不知幾勁啊，次次睇ＡＶ都扯到行一行架。」

「係咩，示範黎睇下。」條友講。

「傻架！呢Ｄ野點可以話即刻做到啊！你個樣係個美女！但妳把聲成個阿伯咁！一聽到就起唔到頭啦！！！」我鬧左出黎後，果條友無奈地反一反白眼，然後佢身後無啦啦出現左一部電視，佢指左指部電視，而部電視入面，正播放緊我最鍾意果個女優Ｄ片。

全場，突然好似得返我同果部電視機一樣。

但係，我一直好專心咁睇住電視入面，男女主角為愛情作出嘅股掌聲，但係……但係……但係點解我下面真係一Ｄ反應都無嘅！？

「都話左你下面己經無撚用啊。」果把阿伯聲又出現。

我嚇左一跳，然後電視消失左，果條友又出現返係我面前，「咩……咩無撚用啊……我得架！我用手幫下就得架拿！」

「都同你講左，你比人拆左個祠堂，無撚用就無撚用啦。」果條友話。



「……祠堂？」我諗返今日暈之前，係比人重擊左……我記得拿！！！係佢！

「咁點做先唔會無撚用啊？」我問。

「通常呢，要係男人先有撚用。」果條友講完呢個答案，點解好似無講咁。

「……我知，我本身已經係個男人。」我話。

「你唔係，你咁樣點算係一個男人，做野無主見，又成日要人幫手，又懶又廢，而家仲要比阿媽趕左出街，呢Ｄ唔撚算係一個男人囉。」果條友話。

聽完佢講後，我真係啞口無言，佢唔講出口，我都唔覺自己真係咁撚廢。

「咁……我點樣先可以有撚用啊？」我問。



果條友拎住個槌向住我面前一野轟落黎，一邊轟一邊話：「做返男人應該做嘅野，你就有撚用架拿。」

槌，擊中頭部。

「啊！！！！！！！」

係，個夢醒左，我下意識地摸一摸自己下面，仲係度，但又真係好似個夢入面一樣咁，真係好似無撚用左咁。