[絕對無糖分]就係咁，我搬左入一幢充滿一樓一嘅唐樓: １２　女神？兩個？

起左身，行左落床後慣性地咁行出房……但可能身體記憶仲停留緊自己屋企，所以撞左好幾次。

「咦？蕃薯仔，咁早起身唔訓多陣，今日紅日ｗｏ，唔訓耐ｄ？」舅父見到我問。

我都想訓耐ｄ，但我驚一陣又發返尋日個夢，見到個老陰陽怪我真係想作嘔……

我對住舅父ｈｅａ笑左下後問：「舅父，有無早餐食啊？」

「我無諗住你咁早起身，自己買左自己果份咋。」舅父答……無言，咁我唯有自己落去食野啦。



出左門，然後走落樓，發現尋日所經過每一層嘅架步都未開門，唯獨去到其中一層。

「靚仔咁早起身啊？」聽到人叫我靚仔即刻醒一醒神，而且係我心目中個ＡＶ女神篠田叫，就更加醒神。

不過，我下面仲係一沉不起……

「……係啊，我落街食早餐啊。」我答，然後篠田佢慢慢行近我，行到我面前仲湊到個頭好近咁講：「係啊～食早餐啊～姐姐仲未食啊～」

「……咁妳都落街食啦。」我答，全身硬，一度軟咁答。



「但我而家要準備一陣開工ｄ野～行唔開啊～」佢慢慢拎左一張一百蚊比我，塞左落我心口個袋度，「幫姐姐買一份上黎得唔得姐～」

「……咁妳想食咩？」我問。

「早餐Ａ，飲鮮奶，以型補型～」篠田答。

「知……知道……」我紅都面晒咁走左落樓，而我聽到篠田係背後笑緊，唔知係未笑緊我咁嘅反應。

佢笑我，其實我唔在意，因為我最在意嘅係，面對一個咁似自己ＡＶ女神嘅女人係我面前不停挑逗我，我下面都仲係起唔到頭，唔通真係好似尋晚個夢咁，我真係無撚用左！？



愈諗，我就愈擔心，搞到我食早餐果陣都食得唔安樂。

就係呢個時候，我電話響起，我望一望個來電，係我做緊野果邊個經理，呢條友好日唔打黎，打黎一定無好野。

我接左個電話，「喂？」

「喂，阿邊個邊個，今日要你幫手頂更，一陣晏就３點返工啊。」個經理一開口就咁講。

「經理，我一早寫左更表今日ｏｆｆ架ｗｏ。」我答。

「無計啊，有人要調更，揀到你無計啦。」佢話。

「邊個咁無品調更唔同我講聲啊，頂佢咩。」本身呢句係我心聲黎，唔知係未知道要頂更所以燥底到講左出黎。

「喔，你嬲嘅話可以打去同澧琳講架，一係就我幫你打比佢講。」經理呢一句講左兩個好重要嘅字，「澧琳」，我女神個名！！！



「等等！？係澧琳想調更？」我問。

個經理聽到我咁問，就好淫邪咁笑左笑話：「係啊，佢話如果係同你調更，你一定會幫佢手，話你咁！好！人！」

澧琳搵我幫手！澧琳搵我幫手！澧琳搵我幫手！

「得得得！今日３點係未！我一定好準時返工架！」我講完後，個經理已經ｃｕｔ左我線……

唔緊要，只要係幫到女神，要我死都願意！！！