[絕對無糖分]就係咁，我搬左入一幢充滿一樓一嘅唐樓: １０　自我介紹

望到咁嘅情況，我真係呆左，本來一心睇個ＰＯＳＴ係睇住一眾巴打撚狗，點知而家睇返，原來佢地比人撚返轉頭……

「都唔明你，明知佢地係假，就未同佢地玩啦。」望落成個陳浩南咁嘅果個人話。

「你識Ｄ咩，我呢Ｄ叫寓工作於娛樂……西！」果個呃點數嘅男人一邊講，一邊打左隻牌出黎。

「食啊！成晚咁耐而家先開糊！食你隻西！」果個好麻甩佬嘅人話。

「屌你咩！又係食西！你次次都係食呢隻悶唔悶Ｄ啊。」我舅父話。



「男人就緊係要食西架啦，有西唔食罪大惡極啊。」個麻甩佬笑淫淫咁話。

而果位好似陳浩南嘅人就話：「佢就講得岩啊，所以我好支持佢每次嬴錢都幫襯我班囡架，最後Ｄ錢又會落返我度。」

呢個男人一講完，我舅父同其他兩個人都笑左出黎，「益晒你啦咁。」

又一輪笑聲，然後果位麻甩佬望到仍然呆左企係度嘅我就話：「喂，老薑，你個外甥仔搞咩９就咁企係度望實晒，係未想落場打返兩圈啊。」

「傻啦，佢邊識打牌，落場對住你三個實輸到底褲都無。」我舅父笑笑口答完呢個麻甩佬後，就同我講：「蕃薯仔啊，你入房自己玩下電話啦，舅父打多陣就同你去食ｄ野。」



聽到舅父咁講，我就望住部電話，睇住班連登巴打繼續撚狗，而又睇住隻狗又反撚班連登巴打，思緒混亂咁行左入舅父間房。

係舅父間房等左陣，聽到出面最後一圈打完散水嘅聲後，舅父就行左入黎問：「做咩比阿媽趕左出黎啊？」

「我點知啊，一返到去就見到行李放左門口，仲連門鎖都換埋。」我答舅父。

「估唔到阿妹今次咁狠心。」舅父話。

而我就問舅父：「係呢，頭先果三個其實係咩人黎架？」



「果三個，佢地係舅父ｄ租客黎架，有個好似陳浩南咁款嘅叫龍威哥，好有義氣架佢，樓下ｄ架步係佢睇住架。」

「架步……？」

「然後果位每句說話都有粗口嘅阿叔，成日叫自己葡提大師，我地幾個就叫佢提子哥，正一雞精黎架佢。」

「雞精……？」

「仲有一個拎住好幾部電話好忙咁果個叫集種，係新移民黎，都係住左呢度無耐，聽講同龍威哥同一條水架ｗｏ，但做嘅野就唔一樣，龍威哥就有真貨，果條友就靠呃嘅。」

「真貨……？靠呃……？」

講真，聽舅父介紹佢地我真係一頭霧水，頭先一直上黎都已經好多疑問，而家聽完舅父講佢地三個，仲多左。

「……咁……舅父啊，頭先我一路上黎，見到有好多……」我欲言又止咁，但舅父就好似知我想講咩咁，幫我講埋：「雞？係啊，呢度樓下好多架步，我頭先未講左龍威哥負責睇住囉，個提子就係貪我呢度樓下有一大堆架步先租呢度，閒時佢都會帶ｄ　咩ＰＴＧＦ上黎開波架，集種有時比ｄ客問到口啞啞，就會叫班囡囡幫佢講幾聲或者影幾張相，唔係佢點會呃到咁多人買點數。」



聽到舅父咁講，我都完全明白已經身處嘅係一個咩野地方。

我而家係進入左一幢充滿一樓一嘅舊唐樓，而且租比佢地嘅人係我舅父，仲有三個住客，一個係出黎行嘅龍威哥，一個係雞博士提子叔，仲有一個就係專呃點數嘅集種……

唔知，我係呢度住，會唔會……