[絕對無糖分]就係咁，我搬左入一幢充滿一樓一嘅唐樓: ９　ＬＩＶＥ

「你好，唔知你要嘅雞要全辣定唔辣呢？」

「加唔加錢買其他野？」

「要幾多個膠手套？」

呢Ｄ說話，係我去ＫＦＣ打工果陣成日講嘅說話，你地話悶唔悶？悶架，但每次當我諗到果一句，「我們做雞是對的」，就係呢一句說話，我做呢份工嘅衝勁就返晒黎。

……但係！但係而家我面對嘅真係一班雞黎架！？



仲要有咁多件！？

咁其實都係一件好普通嘅事黎嘅，而且又唔單止只有「雞」呢個字先可以稱呼佢地嘅，自古以來都有好多名字黎稱呼從事呢一行嘅人。

好了，又返到現實先。

聽到舅父話搵左個位坐低後，我望住佢地打牌。

「喂，老薑，無啦啦你個外甥做咩黎呢度住啊？」龍威問。



「聽聞佢好似比我阿妹趕左出黎……上啊！」舅父，其實你打少陣牌係未會死。

「咁撚ＯＮ９比阿媽趕出黎咁慘啊。」個麻甩佬真係呢，如果粗口可以話係高等文化，呢個麻甩佬一定可以算係出口成文。

但係呢一個雀局又頭先到而家，果位不停講電話嘅人先剛好收線，「真係你老母，老闆真係唔嗨係人，今日都完成左一單交左功課啦，仲要迫我做成幾單。」

「鬼叫你打工咩……西！」龍威哥話。

「你唔知架拿，而家Ｄ香港人真係醒左好多架，好難先哄到佢地入局課水架。」呢位人兄講野唔正，睇黎都係上面落黎搵食嘅人。



睇黎佢地仲有排打，我都係拎返個連登ＰＯＳＴ出黎睇係班巴打撚狗撚成點先。

咦！？講到條友叫果位巴打ＳＤ　７仔點數單比佢地ＷＯ，連登大撚把素材啦。

「屌你個嗨啊！又係呢Ｄ假點數！」

過唔到數，抵撚死啊，果個人竟然仲咁厚面皮叫佢再ＳＤ過張清楚Ｄ比佢。

「成班港狗都咁嗨孤寒！一張點數卡都慳！」

巴打們出招叫佢快Ｄ出現唔係佢地就閃人，出到呢招應該就快撚完呢隻狗ＬＵ。

「屌你啦，錢又唔比又要見。」「你未同鳩果條友講，而家換緊衫出去囉。」

個楠楠話換緊衫，有個巴打竟然教叫佢ＳＤ張換好衫嘅相佢睇下，如果唔係佢就走，呢招勁啊。



「仆你個街，拎ＹＯＹＯ張相頂住先。」

比我地撚條狗竟然真係ＳＤ左張相比果位巴打睇啊……等等！點解呢個女人咁熟口熟面嘅，好似剛剛先見過……係ＹＯＹＯ黎架ＷＯ！？

「好彩有叫班姐姐仔影定Ｄ相比我做素材姐。」我而家先開始留意果個講野唔正嘅人Ｄ說話，點解？同連登呢個撚狗ＰＯＳＴ嘅野咁吻合嘅？

我慢慢行左起身，行到果位講野唔正嘅人嘅身後面。

「咦，蕃薯仔行過黎做咩啊？係未搵舅父啊？」舅父問我，但我無理過舅父嘅說話，只係望緊果位講野唔正嘅人嘅面前，放左係麻雀枱上面嘅電話。

楠楠、小冰、欣欣、小果、茜茜……我所講嘅名全部都係佢電話上面微信號嘅名，而個樣就係頭先剛剛班雞嘅樣。

「後生仔，打緊牌仲咩企咁埋啊，你有興趣坐落黎玩啊？」果個講野唔正嘅人問我，然後，叫楠楠嘅電話響左下，一個短信彈左出黎，「睇下班港狗出邊招先。」



而我，睇一睇自己部電話，望一望個連登ＰＯＳＴ，有個巴打教路叫楠楠換件藍色衫，而我再望一望有楠楠微信嘅電話，頭先果個短信又係叫佢換件藍色衫。

「我記得我叫過ＹＯＹＯ著件藍色衫比我影相，等我搵返先。」個講野唔正嘅人開左個相簿不停搵相。

頂！我無諗過我有朝一日可以睇連登撚狗嘅ＬＩＶＥ！仲要係兩邊都係ＬＩＶＥ！