[絕對無糖分]就係咁，我搬左入一幢充滿一樓一嘅唐樓: ８　全部都係雞

為左同我蛋蛋報仇就緊係要出去同佢理論啦，我行左落床追左出去，係佢身後面指住佢話：「頭先妳整到我咁連對唔住都無聲有無搞錯啊！」

「琳琳契媽有Ｄ野做一陣再搵妳。」隻貓女停左唔同佢個契女ＦＡＣＥＴＩＭＥ，亦都好似無聽到我講野咁直行出大廳。

頂啊！咁撚串！！！

等等……點解呢個女人會出現係舅父嘅屋企嘅？

我行出大廳……「蕃薯仔，你唔休息多陣……等等！！！食啊！！！」



「Ｐ你個Ｋ！呢一圈岩岩先摸幾隻牌就食得出！你條撚樣係未出老千架！」

「提子兄，你再係咁唔好牌品嘅話就無人同你打牌架拿。」

「是是是……對對對……今天的業績還可以，我現在也在處理著兩檔事。」

我一眼望去大廳，係先見到呢四個人係大廳正中間打緊牌，由說話嘅順序講起，第一個當然係我舅父啦，佢而家好開心因為又食左糊。

而第二個係一個好唔老脾嘅大叔，見到佢用三個字就足以形容，麻甩佬，甩頭髮、鬍鬚、性感白色小背心配大肚腩、孖煙通重要部位有少少漬、踢拖仲要有灰甲……



第三個就第一眼望落去成個陳浩南咁款，頭髮遮住一邊眼，但講野又好有品ＷＯ。

第四個由我見到佢第一眼就拎住部電話講晒國語咁，而係佢面前就有成……五部電話係咁督緊。

而係個雀局進行得如火如荼期間，旁邊就坐滿左一堆ＨＥＡ緊嘅女人係度。

有幾個係我頭先見過嘅，門口撞到果個貓眼般嫵媚嘅女人、果個好撚似篠田ＡＶ嘅女人、果位Ｇ奶奶牛但著得比頭先密實左好多，而佢旁邊坐住左個有少少上年紀，一眼就睇得出智商有問題嘅女人。

而仲有一個好斯文嘅女仔係之前未見過嘅。



「得撚未啊妳，由頭先話行行撚到而家都未撚得。」咦……頭先係樓下講野仲嗲聲嗲氣嘅呢位女性點解而家講野可以咁粗豪。

「未係囉，妳要去搵妳契女未去搵囉，無謂要我地係度等埋。」我真係未見過我心目中嘅篠田係我面前講咁多廣東話。

「得拿，好快啦，妳地好急咩？」果個貓女郎話……係ＷＯ，我仲叫緊佢向得講對唔住架ＷＯ。

而呢個時候，個Ｇ奶妹就同個貓女郎講：「ＹＯＹＯ啊，我都係唔去拿，我要睇住我阿媽啊。」原來果個貓女郎叫ＹＯＹＯ。

「妳次次都係咁架，算啦，我都預左妳最後唔去架拿。」ＹＯＹＯ話。

「對唔住啊。」Ｇ奶妹話。

「傻啦，大家做埋同一幢，講呢Ｄ。」ＹＯＹＯ講完後，頭先果位護士換左便服出黎話：「行得未啊？」

「一早行得啦，等妳啊屌。」點解真係可以伴若兩人咁架。



果位換左便服嘅護士行過果位好斯文嘅女仔面前，拖住佢隻手行，成班女人浩浩盪盪咁係我面前行過，而佢地出門口前，果位護士話：「龍威哥，我地出去飲野，駛唔駛幫你地買幾打啤酒返黎。」

果位好似陳浩南嘅男人回應：「唔駛啦，不過幫我地買幾包煙啦。」

「收到。」個護士話，然後班女人就走左，而當ＹＯＹＯ行到我身邊果陣，又係果一下輕視的藐，然後都走埋。

……究竟……而家係咩野情況？

「喂！老薑，呢個ＯＮ９就係你外甥啊？」果條麻甩佬問我舅父，第一次見你呢條麻甩佬我都無直接叫你麻甩佬啦，而家你竟然大大聲話我係ＯＮ９！？

「係啊，仲細嘛所以個樣有少少ＯＮ９姐，但係都係醒目仔黎架。」舅父，你唔幫我都未幫外人話我ＯＮ９啦……

「佢成支杉企係度搞咩事啊，叫佢坐低啦。」果位好似叫做龍威嘅人話。



「蕃薯仔，快Ｄ搵個位坐下先，等舅父打多幾圈再招呼你。」舅父一邊洗牌一邊話。

我都係呆左企左係度，而果位麻甩佬就話：「做咩仲ＯＮ９咁企係度啊，叫你坐啊。」

「……頭先果班係？」我諗我唔應該問呢個咁白痴嘅問題。

「果班？你唔係咁大個人連雞都未見過掛？」個麻甩佬話。