[絕對無糖分]就係咁，我搬左入一幢充滿一樓一嘅唐樓: ７　到達目的地

我眼前果Ｄ……係咩野黎……

點解我見到有個人起勢咁將枱上面Ｄ蛋打爛晒，而且點解佢每打一下，我下面都會痛嘅……而果個人，打打下望住我笑，係一種好心寒嘅笑。

「哥哥仔，你Ｄ蛋蛋真係好新鮮ＷＯ。」佢果種笑，愈睇愈覺得凍，愈睇愈覺得痛，佢慢慢行近我，然後對住我下面嘅蛋蛋一野打落去。

「唔好啊！！！！！」

我醒左，我彈左起身流晒大汗咁望住我眼前果位護士，「……呢度……係邊間醫院啊？」我咁問，係因為未見過一間醫院嘅燈係紫紅色。



個護士笑左笑話：「呢度唔係醫院。」

「咁係邊間診所呢？」我又問。

「呢度都唔係診所。」個護士又答。

下，咁點解我會見到個護士架？

就當我諗緊呢個問題後，個護士好大聲咁叫左一句：「喂！老薑！你外甥仔醒左拿！」



咦，咩我舅父黎左咩？當我仲咁天真諗緊我一定被人送左某個醫療站嘅時候，我舅父出現係我眼前，好擔心咁話：「擔心死我拿蕃薯仔，頭先見到你嘔晒白泡係樓梯口果陣我真係嚇到鳩都縮埋啊。」

……樓梯口？係ＷＯ，我係黎搵舅父架ＷＯ。

「老薑，無我嘅事我先出返去拿，我仲要換衫走人。」個著住護士嘅女人話。

「得得得，真係唔該晒你啊ＶＩＶＩ姐，好彩妳識少少醫護野先幫到我個外甥仔咋，等我送妳出去。」我見舅父好聲好氣咁送左果位叫ＶＩＶＩ姐嘅女人後，就行返過黎。

而我好奇咁問：「舅父啊，咩而家有ＰＡＲＴ－ＴＩＭＥ護士上門架咩？」



舅父聽到我咁問後，笑左笑話：「點會無啊，你想要嘅話，空姐、警花、ＯＬ、女消防都有添啊！」

「女消防都有！？」我聽到Ｏ晒咀話。

「緊係啦，不過都係護士仔吸引Ｄ，因為有帽仔又有裙仔。」舅父話。

我聽到舅父嘅說話後，懷疑緊其實我所問嘅野同佢所答嘅野係未同一件事……不過算拿，而家去到舅父到，起馬今晚唔駛訓街。

但係……我下面頭先仲好痛，而家真係咩痛都無，我諗果個ＶＩＶＩ姐醫護常識一定好勁，真係唔痛到……好似咩野感覺都無晒咁。

「喂！老薑！你唔好諗住割禾青ＷＯ！贏左走左去！」房外面有個男人聲大叫。

「知拿！你輸唔切咩！等等啦！」舅父回應，然後就同我講：「舅父而家有野做，你自己放好Ｄ行李然後自己招呼自己啦。」

「得未啊！駛唔駛擺好晒個陣再請返你出黎啊！」又係果把男人聲。



「得拿！咁急一陣輸撚到你仆街啊！」舅父一邊講一邊走左出去。

我而家呢一刻先可以細心咁望一望間房，紫紅色嘅燈，張床好硬，我揭開個枕頭仲見到張床有個可以放到人塊面咁大嘅洞……好明顯呢張係按摩用床。

四圍放左好多李施德林漱口水、毛巾、消毒藥水都有好幾支……仲有一排牙膏，其實我都唔清楚果Ｄ係未牙膏，我未見過果個牌子。

當我仲望緊呢間房嘅時候，有個女人係門口經過，去到我嘅門口前面，同我對左一眼，我感覺到，呢一眼係輕視的藐。

而佢藐視完我後，就望返自己部電話：「係啊，今晚契媽唔返去陪妳拿，妳要聽媽媽話早Ｄ去訓啊。」

把聲我認得啊，就係頭先果隻貓仔……唔係，果個貓女郎先真。