係你令我重新記起愛情嘅感覺: 第六章

喺我開返機之後，佢竟然send咗幾個snap嚟，我睇完就算無理佢，都係嗰d無聊snap，我本來諗住唔理佢唔再send嘢比佢同佢儲火，但係我望一望個火隔離個紅心，就諗返起我由同佢一齊坐開始，慢慢咁越嚟越多嘢講，最後先嚟到依家，我又唔忍心放手，所以都係覆咗佢。點知佢好似當無事發生過咁，我哋同以前一樣都係咁好傾，於是我就慢慢放低咗件事。



我同返以前拉返我返嚟嗰個女仔friend講晒成件事，佢就比咗michelle 嘅private ig我睇，睇到佢喺我話算啦之後佢screen shot咗我哋個火同心出嚟，然後話bye，我完全唔明，仲有兩個post係嗰日同嗰日之後出嘅，上面寫住點解佢自己總係要做衰人。咁我緊係即刻問friend佢咁講點解，我個friend話：「可能佢本身係想同你出去嘅，但係又真係出唔到所以覺得自己好衰」
咩話！？咁我之前唔check佢message又發佢晦氣佢咪好hurt？去到呢度，我都覺得自己真係好蠢，點會咁樣對佢，依家好啦，人哋真係好hurt，我可以點啊？經過一輪思考之後，我決定要對佢好d。但係我仲未意識到我個friend可能講錯，所以我真係好傻咁對佢好，佢有咩唔舒服我即刻問佢有無事，佢有功課唔識我教佢，佢唔開心或者好煩嗰陣我都講吓笑話氹吓佢。諗諗吓，我依家同做兵有咩分別？其實有無分別我自己都答唔出，總之我就係想不斷對佢好，可能係為咗彌補自己嘅錯，又或者係我對佢嘅感覺真係愛。