係你令我重新記起愛情嘅感覺: 第四章

隨住我哋一齊坐嘅時間越耐，我哋越嚟越好傾。原本我同佢都有喺snapchat 儲火，火嘅數量係代表你哋互相send咗幾多日相比對方，但係因為我哋咁好傾嘅關係，我哋除咗火之外仲有心，心係要你哋兩個都係對方嘅第1bestfriend，bestfriend係代表溝通次數最多嘅人，正常嚟講男女之間好少會有心，加上佢有個好好嘅朋友，我應該唔會做到佢第1個bestfriend，但係竟然我做到喎，我心入面即刻暗爽，而佢嘅反應就係「死啦死啦點會咁㗎」。我感覺到其實佢應該都幾開心，但係我無講出嚟。我哋仲講話如果個心持續到兩個月，我哋就真係要慶祝吓，佢問我點慶祝，我咪話我比個擁抱佢，諗住睇吓佢會點，佢就話：「吓！？」之後就無再講落去，因為我話到時先算。



一個毒L竟然會同女有心，真係荒天下之大謬啊，但係我做到你哋吹咩。而呢個心我覺得係作為我同佢嘅關係嘅一個肯定，雖然佢未必持續到好耐，但係至少我曾經有過，咁就夠啦。