是咁的，我係A0死毒撚: 七. 夢醒

7 我地朝朝都傾計幾乎咩都傾過曬，我地從來都唔會怕無話題。逢一三五都會一齊溫書，我仲會時不時同佢whatsapp傾計。佢已經成為左我best friend，但佢似乎仲未知道其實我一直鍾意既，係佢。  日子一日一日咁過去，啊熙同阿峰都鼓勵我向阿晴示愛。今日正係返聖誕節前既最後一日返學，而且今日我地都早放，所以我地約好左一齊唱K同食飯。  平時唔唱K既我為左陪啊晴，都獻出我既第一次。  到左放學，我再次企係佢學校門口等佢，我今次無企係當眼處，我企係轉角位，等候住佢既出現，我諗住係佢行到呢到既時候嚇佢一下，點知佢一轉彎，我一伸個頭出去，一下就kiss左落去，突然，我感覺到一下痛楚，佢一下就摑左落我面上，亦都摑醒左我。  一睇一睇個鐘，5點30分，原來一切都係夢，我依然未認識阿晴，我照一照鏡子，依然英俊瀟灑。