是咁的，我係A0死毒撚: 八. 悲劇

8  點解呢個夢咁真實？真係想永遠住係夢裡面。  12月22日 5:30醒左之後，呆左一陣，好累。但係今日都係聖誕假期前最後一日返學。我思考左一陣，原來我沈日先剪頭髮。我到底係咪太有自信，剪完頭髮果晚即刻就FF識到女？我如常咁返學，彷彿好似又重新開始，我又係咁返學放學，無限cycle，返學，放學，補習，做功課，打飛機，訓教…我無係夢入面既自己一樣既勇氣，一直都唔夠膽識佢，
「 阿晴」只係我夢入面既幻想，可能佢根本唔係叫阿晴，性格都可能唔一樣。唔知點解有一種我遠遠高攀不上既感覺，我一無是處，運動廢，成績廢。有一日，我放學見到阿晴，佢同個男仔一齊返屋企，個男仔送完佢返屋企都相繼離去。一路係度諗佢地既關係，一邊覺得好唔服氣，點解我唔一早識佢，一早識佢拖住佢隻手既咪係我。而家我能夠做既野就係默默守護佢地，等佢分手再搵機會。