由18蚊一包純簿萬 到宜家90蚊一包黑甩 看破紅塵: [LUCKY的興起]
人越大，慢慢就忘記左“唔會上癮架喎”黎句謊言。
上癮?唔上癮?我真係分唔清...
唔好話五十年不變，十六年，我都唔知自己變成左D嘜...
只係知道食左足足十六年煙，越食越多...越多越食...
由中學時期一星期一包，食到去一日一包都試過。
當然有人比我更大煙癮，但我不得不認同吸煙係會上癮...
習慣，是一種癮，一種可怕的心癮...
由學生生涯，轉投社會工作，口味亦變得有所要求。
綠威已經滿足唔到我既慾望，我內心深處對自由既慾望，但又唔可能再返去純簿萬既身邊...
我喺茫茫牌子中尋尋覓覓，突然係眼裏閃過一個英文字!
黎個英文字應該喺黎個殘酷既現實社會中好多人都好想要。
黎個英文字絕對唔係FUCK，黎個英文字係LUCKY!
LUCKY...試問一下各位，除左富幾代外，你仲可以靠咩喺19歲就踩住Audi個油門衝上啪啪山啪住睇日落?
LUCKY!如果我唔係死好命既話，19歲既我同濕鳩真係無嘜分別...
自此，我愛上左LUCKY，希望有一日都可以好似D富幾代咁，踩住瑪莎拉蒂個油門衝上啪啪山啪住睇日落!
我有講過，我只係一個普普通通既下等人，絕對唔係“香港革命戰”中既上等人李飛揚，我搵既錢大約只夠兩餐。
但係煙黎樣野好奇怪，煙，幾時由平民減壓物品，變左做奢侈品?
大至上可以話由財政司司長曾俊華上任開始...
講到曾司長，我真係要長嘆一聲~唉~
仲記得曾司長啱啱上任無幾耐，唔記得第一定第二年，佢喺電視機裏面講:「我想聽到你地既意見。」
會聽市民意見既高官呀!青天開眼啦!
以前港英政府都無一個官會聽市民既意見啦!(可能有我唔知啦，老實講句我英文好差...)
黎個品客叔叔竟然話會想聽我講野!真係不得之鳥。
跟住我就急急腳衝入廁所，褲都唔除就對住個屎塔講:「我想你派錢!」
我無記錯既話，第一年係無派錢，而換來既係增加56%煙草稅...
『Holy Shit!』我敢肯定我黎世人從未講過如此純正既英文!
56%!我咁多年人工加幅加埋起上黎再乘以二都無咁高!
錢又唔見你派，稅又唔見你減得多，地就係識賣俾地產商，樓就鬼死咁貴，宜家你仲要加成56%?你玩野呀?咁搞法人工追鬼到通脹咩?!
轉個頭，冷靜一下，諗一諗，我有少少後悔，後悔當初點解要對住個屎塔講...搞到宜家個心願同D屎一齊衝左出大海...
唉~56%...我已經唔係好記得則係加到幾多錢，好似係40，定係38?我真係唔多記得...
因為果一刻，我大個鳥，再唔係一隻小學雞，只係識得衝入地鐵，唔識等下一班車，我學識催眠自己...『無野既，有工開則係仲有錢，有錢則係仲買得起。』
香港勝在有黎樣好，留得JJ在，那怕無J圖?
李+x咪又係穿膠花出生，佢宜家幾咁有米，你都得架。
你都得...我...就真係唔知得唔得...
我仲好記得果一刻，平伏心情之後，抹一抹眼角既淚水，企起身，離開自己既座位，穿過無數咁多partition，行到公司道玻璃門，對住塊玻璃閉起雙眼，深呼吸，情深深講左一句:「我有事要出一出去。」
一出公司門我升降機都唔等就直標左落走火通道，以九秒九速度由50樓直衝落去!
我敢肯定走火警既話，我都唔會走得咁快。
我衝得咁快只係為左一件事，為左一個信念!
當我跑到公司樓下間7仔既同時，我以為會有好多人會好似我咁諗，成間7仔會好多人，點知...鬼影都無一隻...
我心諗:「嘿嘿...我都話我醒架啦...」
梳一梳個頭，揮一揮件褸，走到個女店務員前:『兩包綠甩PLEASE!』
點知，女店務員回我一句:「多謝你80蚊呀。」
『FUCK!』我不禁對住個女店務員大叫一聲!
啱啱先話要加稅，都仲未落實，你就加左先!
加薪又唔見你加得咁快?!
當然，我唔係全心想屌鳩佢...
而女店務員亦無怪我，仲報以一個“i know that feel bro”既眼神俾我...
我相信係我黎遲左，我相信喺我FUCK佢之前，已經有千千萬萬個人FUCK過佢...
而老老實實，想FUCK佢既又點只全港12%煙民?!
我敢講，黎一刻全港有50%市民想FUCK佢，另外有大約29%市民無奈接受，20%市民仲係唔知外面發生緊咩事，仲有少於果1%就係佢地自己友!
「收你80蚊。杜蕾斯持久裝做緊特價喎，買三盒送一個...」我望住手上既兩包綠甩，無再理持唔持久...
我好迷茫...我好迷失...
黎個世界，究竟仲有幾多野係喺自己手?
呼吸自由既空氣?香港早已全面禁煙...
你要呼吸都要閃埋一邊，唔好俾人知...
唔係既話，你會被批鬥，你會被滅聲...
究竟仲有幾多野係喺自己手?
兩包綠甩?
我相信...不久既將來...連一包都無...