由18蚊一包純簿萬 到宜家90蚊一包黑甩 看破紅塵: [由純簿萬轉投綠威]

正所謂世事無常，好景不常。隨住香港回歸中共，18蚊一包煙亦不再...
 
回歸之後，正值金融風暴之期，岩岩回歸後所成立既香港特區政府面臨重大挑戰。
 
股市仆直，樓市又跟隨仆直，就連黃金都要仆直，成街一地都係仆喺道既人，前路難行...前路難行...
 
喺黎個時候，煙草稅成為左一個重要既話題，變成政府既重要收入來源之一。(當然仲有期後既土地政策、房屋政策、自遊淫政策啦。)
 
起初，由18蚊加到20蚊，無問題，兩個人夾每人都係10蚊，1蚊1飛都仲好平。不過就唔多想三個人夾，好難夾，又好難分...
 




好快變成28、30...
 
30...短短一、兩年間，由18蚊包去到30蚊包，你都唔好話唔肉痛。
 
果時既我，仲係讀緊書，食既靠父母，住既靠父母，錢都係由父母供應。
 
零用錢絕對唔會因應煙草稅上升而增加。
 
正確黎講，零用錢永遠追唔到通脹...
 




咁點算好?
 
小朋友咩都唔識，只係識慳D洗架姐，點似得D高官咁醒叫你按左層樓，問親戚借，再用幾百蚊積蓄上去神洲賭返舖?
 
中史都有教啦:「何不食肉糜?」
 
咁咪只好慳D洗，lunch去7仔叮個杯麵，扭少幾張白卡，打少幾舖king fight，存錢買煙仔囉...
 
嗱，又唔好咁灰，正所謂天無絕人之路，就算關晒門，個天都會留返隻窗俾你跳樓既~
 




喺市場充斥住不景氣之時，唔知邊個層面既高層咁有腦，好多唔同既牌子殺入黎個市場!
 
當中為人所知最出名既就莫過於威豪!(其他牌子小弟就真係無研究，自己食開邊隻就自己加返上去啦。)
 
點解威豪會咁出名，有一個好幾個原因...
 
首先，佢係美國牌子，絕對唔係國產既紅雙喜、紅塔山黎D國寶級既香煙。
 
講真句，未試過紅雙喜、紅塔山之前，你唔會相信食煙真係會死人，但試過後，你會好肯定吸一口都會死人...
 
其次係當時好多人話綠威同純簿萬既味道好似，只係淡少少。
 
而最重要既係威豪全線都俾萬寶路平兩蚊!足足兩蚊!
 
正所話小數怕長計，三三得個六，四四一十六，買夠14包就等於多一包...(我數學好差...有無計錯?)




 
俾著係你，你都會識揀。
 
威豪，一個真真正正自由經濟體系既代表。
 
自由經濟，有高有低。
 
無高無低，合謀定價又點會係自由?
 
自由必須有得選擇，無得選擇又點稱得上自由?
 
所以，威豪，喺果個年代可以話係一個清泉，一個仲可以自己選擇既清泉。
 
但到左宜家，仲有幾多野可以俾你選?
 




又有幾多野係未被先篩後選?