《有一晚，我喺學校操場遇到跌落凡間的天使》: 【2】
做乜鳩⋯⋯？
條友似係弱智多喎。
「咪住先，你究竟係咩人？鬼？外星人？定青山放出嚟㗎？」我擔心地問道。
「都話咗我係天使囉。」一樣嘅笑容，一樣嘅表情，一樣嘅答案。
「你叫人點信你姐。」佢可以捉得住，至少排除⋯⋯佢應該唔係鬼吧？
下一秒嘅瞬間，雨點打落我身上，一滴⋯⋯兩滴⋯⋯
接住就係傾盆大雨。
喂！搞咩啊？我仲未load到發生咩事，就發現周邊個環境已經唔同曬。
雖然視線有啲模糊，但要睇出喱度係邊度並唔難，因為喱度正正係——
學校門口。
唔洗幾秒，我已經變成咗一隻落湯雞。
我仲係原地呆緊，完全唔知發生咩事。
場景又再次一換，我又再次回到更衣室裡頭，同頭先嘅分別係，我依家全身上下都係濕曬。
除咗呆係原地，莫名其妙個身濕之外⋯⋯
亦令我開始有啲相信⋯⋯眼前喱個白衣少女嘅說話，但我更覺得佢似外星人多過咩天使囉。
「你依家信未？」我眼前嘅白衣少女，身上一啲濕嘅部分都無。
「你係外星人？」
「外星人？」白衣少女一臉疑惑。
「你就當我係外星人啦！快啦，帶我去見識下喱個世界！」佢係度急咩呢？
「你想見識啲咩啊？」對於數十分鐘發生嘅事，我仍然有點難以置信。
「唔知啊⋯⋯總之我就跟住你啦，你去邊我就去邊！」
忽然間，我覺得自己好似有咗條女咁，有個外星女朋友都幾唔錯啊？而且又幾靚。
個腦好自動咁浮現呀紫嘅畫面，不不不！我心入面有呀紫啦，咁樣唔得呢。
「咁我唔俾呢？」恐懼感經已煙消雲散。
「你話事咩？」白衣少女看似少咁條神經，但又好似精明過人咁，搞到我好亂。
我抹一抹臉上嘅雨水，頭髮已經濕到係咁滴水落嚟。
「係⋯你點話點好。」我好似俾人要脅咁，逼於無奈地答應，重點係我覺得好似無乜損失。
「Yeah！！！」白衣少女興奮地叫起上嚟，手舞足蹈，我唔係幾明白佢點解會咁興奮。
「行啦行啦行啦！」真係一個未見過世面嘅小朋友。
「依家去邊啊？」
「我要返屋企。」我如實地說，「但你依家睇下我，濕到⋯⋯咁⋯⋯」
「哈痴！」
講講下注意返自己身體，就感到陣陣寒意，不由自主打咗個哈痴。
但我都顧唔到咁多，只係想快啲返屋企沖個涼，我諗諗下，唔係喎⋯⋯
我眼前喱個少女頭先明明都有出去淋雨㗎，點解佢個身無濕到嘅？一定係佢用咗唔知咩能力。
於是乎我諗到，便問：「你咪有超能力嘅，好似頭先咁帶我返屋企咪得囉！」
「能力並唔可以亂咁用㗎，而且我又唔知你屋企係邊。」
等我仲以為白衣少女無所不能，可以好好地利用下佢添。
「走啦走啦。」白衣少女就咁拉咗我出門口，去到學校門口，佢諗都唔諗就行咗出去。
雨水如常般拍打係佢身上。
「啊啊啊！！」白衣少女驚呼連連。
「咩嚟㗎？濕濕地嘅？」佢驚問。
「雨囉。」我無佢咁好氣，我啱啱先淋完嚟。
佢明明頭先無淋濕㗎，依家反而⋯⋯？？
「喱啲就係雨啊！？」白衣少女又開始興奮，係度轉圈，佢樣子似乎十分享受。
其他人見到一定以為我哋兩個係傻仔嚟。
佢身上嘅白色連身裙開始被雨水淋濕，開始若隱若現，而個重點係⋯⋯
佢係無任何內衣，仔細一睇，係連鞋都無。
全身上下，淨係得喱件白色連身裙。
我打斷佢享受雨水嘅時光，我最討厭就係落雨，當想踢波嘅時候，一落雨，就會咩心情都無曬。
「喂喂喂，入返嚟啦。」我拉返佢入嚟，我係書包摷咗件冷衫出嚟，原本係上堂驚冷氣太凍先著嘅。
但見到佢依家咁樣，點忍啊⋯⋯
我雖然好想望，但⋯但但係⋯⋯總之就下意識唔好望啦！唔想掩飾（解釋）咁多。
「做咩啊？」白衣少女愕然咁望住我。
「有嘢同你講啊。」我決定三口六面同佢講清楚。
我將白衣少女拉返入嚟，將件冷衫披係佢身上，然後認真地說：
「我唔知你係邊度嚟，其⋯其實我到依家都仲未幾接受到，坦白講⋯⋯我連你咩名都唔知，你又話要跟住我咁樣，我都唔知可以點。」
「但有咩事都要聽我講好無？跟返我規矩，Okay？」我鄭重咁講。
「好啊！只要你肯收留我。」咁順攤！？我好意外。
佢仲要不假思索，諗都唔諗就應承。
「而且仲有一個問題。」一個實在令我不解嘅問題。
「點解你頭先可以淋到雨嘅？啱啱我淋到落湯雞嘅時候你明明無濕到！」
「咦⋯有咩？⋯⋯又好似係喎，哈哈！可能係我個保護網已經消失啦掛。」佢如此快速又直白嘅回答，感覺唔到似係呃人。
「咁好囉，不過依家咁大雨，唔可以出去淋雨，要用遮。」我拎把遮出嚟，放係白衣少女頭上，然後慢慢靠過去
「好耶！」喱個少女真係傻得趣緻啦。
白衣少女依靠係我手臂上，佢矮我半個頭，佢個頭稍為斜少少就挨到落嚟。
我一出去就發覺唔妥⋯⋯
因為條友係無著鞋。
又再返返入去，道：「你鞋都無喎。」
「下？我平時都係咁㗎喎。」白衣少女呆頭呆腦之餘，仲好理所當然添。
最後都係得一個解決辦法姐⋯⋯
我蹲低身，係白衣少女前面。
「做咩啊？」
「上嚟啦。」
「嗯⋯⋯下？咩⋯咩咩上嚟啊？」
「你成日挨上嚟，咪唔洗行出面濕到乜咁嘅地下囉。」
「哦！」我分唔清佢究竟係唔識俾人揹啊，定係怕醜。
但至少我直覺話我知，我似乎惹咗個麻煩上身。
白衣少女成日挨上嚟，一揹上嚟嘅時間我感覺佢成個人好似無重量嘅？輕到你唔信。
我幾乎可以唔洗點樣用力，輕輕鬆鬆就將佢揹返屋企。
我屋企就離學校好近，唔洗搭車，哇如果唔係，俾佢咁嘅look上地鐵仲得了？
「你去沖個涼換件衫先啦」返到屋企之後，我就同佢講。
賤啲講，我覺得自己好似執咗隻流浪貓多個係⋯係咩⋯⋯咩天使喎。
「咩沖涼啊？」
唔撚係掛？
佢突然間咁樣問，我認真唔知點解釋好⋯⋯係囉，沖涼點解呢？
「姐係⋯⋯姐係自己係沖涼房入面沖一沖水，洗下個身，成個人會舒服啲。」我已經用盡力，勉勉強強地解釋。
「你教我啊！」佢好似個興奮寶寶咁，咩都要人教一餐。
唉⋯⋯我唔得啦，點解會係叫佢沖涼先？好應該我沖先。
上帝啊！你救救我啦好嗎？我就嚟唔得啦！不論身心都唔得啦⋯⋯
「都係咪啦，一陣教你，你自己參觀下，我去沖個涼出嚟先。」
我成身濕透，我驚唔去沖咗涼先會感冒。
沖完出嚟，出到廳，人影都無個，有一刻我以為自己頭先係發咗場夢，唔係真嘅。
去到我間房先知佢只不過係入咗嚟。
佢手上拎住我係日本買返嚟嘅海賊王模型⋯⋯我當堂嚇一嚇，好驚佢唔知搞啲咩花款出嚟。
「等⋯等等陣，你想做咩？」
「我好奇咪拎嚟睇下囉，喱個咩嚟㗎？」
「我寶貝嚟㗎！唔好亂掂。」
「到你沖啦。」佢件白色連身裙已經乾返啲，如果唔係真係會引人犯罪。
「你都未教我點沖⋯⋯」
唔係掛？睇嚟要認真喎⋯⋯
我左思右想都諗唔到應該點教，喱樣嘢要教？
相信好多人都會屌我無膽，直接入去沖涼教佢沖啦！順便可以⋯⋯哈哈哈！又係佢話要見識世界嘅，係咪先？
屌得啱，我真係無膽。我係嗰種平時得把口講下，但當現實真係發生啦，就會淆曬青嗰類人。
最後俾我諗到一下方法⋯⋯
我叫佢出去等陣，然後我搵咗套AV，係個女優完事後去沖涼嘅畫面。
然後再叫返佢入嚟睇，哇！我真係天撚才，咁都俾我諗到。
佢睇下陣就話識，話明啦，就去咗沖涼。
我拎咗幾件自己嘅波衫俾佢著住先，趁屋企人未返，打算一陣再了解下佢。
我屋企人好鬼奇怪，我成日覺得我好似係執返嚟，多餘出嚟嗰一個咁。
點解？
並唔係因為佢哋唔錫我，而係佢哋兩公婆好恩愛，成日夜晚唔煮飯，俾錢我自己搞掂，跟住兩條友走去自己撐枱腳。
每朝起身返工食早餐一定有個morning kiss，係我面前打埋茄輪都係家常便飯。
最難頂都唔係咁，係夜晚周不時都會聽到佢兩個係房扑野嘅聲，真係唔知點講好⋯⋯
好多時都會搞到我連打飛機嘅意欲都無埋。
白衣少女沖完涼出嚟，著住我件7號波衫，條波褲著出嚟顯得有啲長，但整體俾人嘅觀感係幾正，依家先有時間仔細觀察下佢。
唔睇由止何，一睇好似不得了咁。
白裡透紅嘅肌膚，金色嘅秀髮，臉上嘅皮膚其實好水潤，樣貌有啲鬼鬼地，似係混血兒咁喎。
外星啲科技真係好先進。
如果佢嘅個性唔係咁傻傻戇戇，神經質嘅話，稱上女神係絕對嘅事嚟。
利申返先，真係無其他非分之想，就算係都唔敢⋯⋯
依家得返我同佢坐係沙發，有必要好好地傾下。
「係呢，你叫咩名？」我率先問道。
「我叫小瑤啊。」原來佢叫小瑤。
「嗯！喱個好好飲啊！咩嚟㗎？」
「下？維他奶咋喎⋯⋯」再普通不過嘅盒裝飲品嚟。
「凡間真係好多有趣嘅事啊！？」
「你星球係凡星？」我聽得唔係幾清楚。
「我唔係外星人啊，哈哈哈，究竟點解你會咁堅持以為我係外星人呢？」小瑤哭笑不得。
「我呢，係真係嚟自天堂，喱個世界劃分為天界，人界同埋地界。」
「咁樣講啦，天界亦姐係你哋稱嘅天堂，人界姐係人間界，而地界姐係地獄界。」
「我真係並唔係咩外星人⋯⋯我係天堂界入面嘅天使嚟。」
「真係？」佢講到咁，似乎係真喎⋯⋯
「真係啊！」小瑤俾我搞到我哭笑不得。
「不如你講解下人間有啲咩啊，好無啊？」
「⋯⋯好無啊？」小瑤一雙期待嘅眼神，會不由自主咁聽佢指揮。
「但我想知點解你會咁想知喱個世界啲嘢喎，天堂唔知我哋發生緊啲咩事嘅咩？」真係有天堂嘅話，我都驚自己有啲咩行差踏錯，死後上唔到天堂。
「嗯⋯⋯天堂其實好悶㗎，我覺得人間有趣好多。係天堂要做嘅嘢又唔多，好多時都行行企企嘅。」
「咁點解會派你嚟嘅？」其實我想講點解會派個傻嘅人落嚟，一秒覺得自己太仆街就無問。
「因為我職位最低囉。」都無錯嘅，好合理。
「咁你講未啊？講未啊？」突然間小瑤好近咁靠埋嚟，我同佢之間嘅距離好近，我諗差唔多掂到個鼻掛。
「唔⋯⋯唔唔係啊⋯」我即刻彈開啲，突然靠咁埋，不論係心定身體都承受不了啊。
「你點解咁想知喱度啲嘢姐，咁鬼興奮啊。」我竟然會怕醜到縮開。
「因為我期待咗落嚟凡間好耐好耐好耐好耐囉！」佢一路講好耐嘅同時，隻眼係散發住光芒。
「做咩姐，天堂唔知我哋啲嘢咩？」
「大部分人都唔知㗎，係得啲最頂端嘅人先知咋，嗰啲已經生存咗成千年，我依家只不過50年咋，咁低級嘅人點會知喎⋯⋯」佢扁扁嘴地道。
就算佢再扁嘴，我都理解唔到佢個世界啦⋯⋯
「但上頭派咗個任務俾我哋，要係5個天使入面揀一個，而⋯⋯」小瑤用手指一指佢自己，個樣十分之囂張、得戚。
「我就俾人派咗落嚟啦，哈哈哈！」沾沾自喜地說。
「咁個任務係咩啊？」我比較擔心個任務會俾佢搞砸。
一唔係佢負碌被揀中，或者其他嗰幾個天使仲蠢過佢，因為照我咁睇，根本個天堂就係用嚟養懶人。
「個任務梗係唔講得啦，NONO。」我無佢咁好氣。
「我嘅嘢就講曬啦，到你啦！」小瑤仍然不忘初衷。
「你想知啲咩啊？」咁多嘢我都唔知從何講起。
「嗯⋯⋯」小瑤思考咗一陣。
「咁講下喱個世界係啲咩要注意下啦。」
頂，都係好難講嘅嘢嚟㗎喎，又唔知從何說起。睇起嚟好似好簡單咁，但一開口，到嘴唇邊嘅時候，又覺得好複雜，千絲萬縷。
「欸⋯啊⋯⋯要緊要要有部手機先，喱個世界除咗錢之外，唔離身嘅就係手機。」我拎出我部iphone8出嚟俾佢睇。
「哇！」佢大開眼界咁款，就咁拎起我部手機上嚟研究。
「好神奇啊⋯⋯」
「大佬啊，你啲超能力先神奇囉好無。」人哋咪好多唔同國家嘅文化差異嘅？
我依家係唔同世界嘅文化差異啊，龐大幾多啊⋯⋯
佢最後係自己變咗部一模一樣嘅手機出嚟，我呆咗。
「你做咩啊？」
「咁我都要有部手機㗎，你講到咁方便，一定要有咁。」
「我意思係話，喱部手機已經唔係最新型號，你係變都變部新㗎⋯⋯」
「你變啲錢出嚟我同你去買過部啦。」如果小瑤變到錢出嚟就發達啦！！！
無幾耐，小瑤手上已經係拎緊部最新嘅iPhone 10。
對唔住，我錯。
「算⋯⋯仲有你聽日同我一齊返學啦，去體驗下喱個⋯⋯唔係，係體驗我個世界，OK？」
「好啊！」依舊興奮，不過係對住部手機興奮。
佢玩一陣之後，我屋企人就返嚟啦。
我屋企人一返到嚟，見到我同小瑤坐係沙發度，我之所以會咁放心小瑤嚟我屋企，係因為我清楚地知道我雙親唔會反對之餘，仲會好開心啲。
「老公～呀仔終於⋯⋯終於大個仔啦！」
「係啊！」然後佢哋兩個好興奮咁跟住坐埋嚟，對小瑤發起連珠炮發嘅拷問。
「我叫小瑤啊。」
「我？我係天使囉。」
「我天堂嚟㗎。」咁荒謬至極嘅答案我呀媽可以完全接受。
「原來喱個世界真係有天使㗎，我都話㗎啦老公。」
唉⋯⋯
總之，佢哋一定有啲唔知咩誤會啦。
喱餐飯佢哋食得好開心，叫埋Pizza，開曬party咁，話小瑤可以住幾耐就幾耐啦，當正人哋有新抱仔咁。
你明唔明啊⋯⋯唔係話小瑤唔靚，唔可愛點點點，而係成個氣氛怪異到一個極點，而且成件事又好奇怪，到依家都唔係幾接受到。
搞到我完全無咩特別嘅諗法。
老豆仲靜雞雞走過嚟，同我講話：「要好好珍惜人啊，小瑤佢呢⋯⋯係好女仔嚟。我知⋯⋯你依家對佢無乜意思啊嘛，但咁好嘅女仔，好難搵㗎。」
「我依家唔想諗喱啲嘢啊。」我同老豆望住沙發嘅呀媽同小瑤，傾得好鬼開心，好似母女咁。
臨瞓前，我將間房讓俾小瑤，我自己瞓沙發。
「你唔一齊瞓？」小瑤水汪汪嘅眼睛望住我講，天真無邪嘅眼神係唔會帶有咩其他意思，我明白。係我諗第二度姐。
「痴線！我唔會同女仔一齊瞓囉。」說者無心，聽者有意。
「咁好啦，你想幾時同我一齊瞓就過嚟瞓啦！如⋯如果唔係⋯⋯我驚我會有啲寂寞。」
「傻啦，喱個世界唔係你諗嘅咁單純。」我直言。
「我今日真係好開心好開心！未曾試過咁開心，多謝你啊！」然後小瑤跳起上嚟，係我額頭上面錫咗一啖。
本來有一秒有別的想法都打消埋，因為如此天真嘅小瑤，只係出於表示感謝而已。
但莫名其妙地暖入心窩。
而且條友明明大我咁多歲，點睇得出佢已經生存咗50年，已經係呀婆級別嘅天使。
可能天堂嘅時間觀念同我哋唔同啦，好難理解。
我瞓係沙發度諗下我今日發生嘅事，真係我人生咁耐以嚟，發生得最多奇怪事嘅一日，但諗起小瑤，其實又並唔係咁討厭，仲會諗到笑添。
諗下諗下，我就進入咗夢鄉。
唔知係咪因為頭先有諗咁多喱啲嘢，我連發夢都好似同今日嘅事有關咁。
係夢入面，我上咗天堂，小瑤帶住我參觀天堂，嗰度仲好多好靚女嘅天使，個個都有光環。
然後班天使係咁同我傾偈，傾傾下仲要玩埋我碌賓周仔，係佢捉住我碌賓周嘅一剎那，我嚇親。
即刻向後縮，就係喱個時候......我突然間由天跌咗落嚟。
跟住就醒咗。
個天微微光，我對於個夢仲清醒，但過一排就會咩都唔記得。
我瞓唔返，我去房度望一望小瑤，發現佢眼大大咁望住我，水汪汪咁，帶點稚氣。
細心一睇，原來只不過係佢嘅淚水嘅。
「做咩唔瞓啊？」我好奇一問。
「我頭先發夢夢到我上返天堂⋯⋯我好⋯掛住我啲屋企人⋯⋯」
我俾小瑤感性嘅一面感動親，原來佢咁調皮嘅個性下，都會有柔弱嘅一面。
但佢都係落嚟第一日咋喎，無幾耐咁快就掛住屋企人？
一股保護感由心而生，「乖啦，你當我係你人間嘅屋企人得㗎啦！」
我就咁講出嚟都覺得自己傻仔，不過係真心嘅。
「你睇下，你係喱度住我嘅，食我嘅，我哋仲唔係屋企人咩？」
「但你都唔係⋯天國⋯⋯點做我屋企人啊？」
我頂！佢講啲咁戇鳩嘅嘢即刻無曬氣氛，我反曬白眼。
喱啲時候講喱啲嘢，唔係可愛，而係白痴！蠢！傻！低能！
「係啦！我死咗佢好無？痴線！」
嬲嬲地嘅我，諗住出返去著衫返學。
「做咩又咁惡喎？我講錯嘢？」
小瑤語氣楚楚可憐咁，佢天國嘅屋企人⋯⋯令我諗返起頭先個夢⋯
我依家的確係小瑤唯一一個可以依靠嘅人⋯但係識咗兩日咋喎？真係咁樣好咩？
我亂諗嘢嘅個性又再發作，為咗停止我唔好再亂諗，我決定早啲返去同佢哋講返喱單咁神奇嘅事情。
「你去邊啊？」小瑤不安地問。
「你唔好嬲啦⋯⋯我唔想你係天國⋯我唔會再想你死啦。」
小瑤情急之下起身，因為上面好矮㗎咋，根本唔夠佢企起身。
「哎呀⋯⋯好痛啊！」小瑤摸住自己個頭，仲表情好痛苦咁。
我著衫著到一半，就過去睇下佢咩事。
「你無事啊嘛？」
「無事⋯⋯」佢嘟住嘴咁講，但眼入面打緊轉嘅淚水就嚟流出嚟。佢頭先起身撞到上面個櫃。
「好啦好啦，我唔嬲啦！」我就範。
「咁你去邊啊⋯⋯」我諗，小瑤可愛嘅地方並唔係個樣生得可愛，而係佢由心底度為人著想，顧人哋多過自己，咁先係最可愛。
「我返學啊⋯我仲要讀書㗎！」我態度緩和咗落嚟。
小瑤有天使般嘅善良。
「我又去！」
佢變臉嘅速度快到⋯⋯快過部電腦。