弊家伙，閻羅王唔見左!: (四十一)

(四十一)
陳清心跟白糖糕辦過相關的手續後，便領著史努比和如喪家犬的我離開了。

警署門口，停著一輛黑得發亮的轎車，一看便知道是陳清心的座駕。陳清心站在車門旁默默的站著，不知在等甚麼似的。

數秒後，她回頭白了我和史努比一眼，道:「你地唔係要我老人家自己開門下話?」

我強忍怒氣，把車門打開，作了一個請的手勢，讓陳清心先上車，我和史努比則緊隨其後。幸好轎車的內部十分寬敞，我們不用跟陳清心坐得太近。

陳清心點點頭，司機馬上會意把轎車發動起來。陳清心向著史努比命令道:「狗仔，開個結界，跟住落黎嘅對話我唔想有第四個人聽到!」





即使陳清心犯了史努比的忌諱，但史努比仍出奇地配合，快速地張開結界。結界內先是一陣沉默，陳清心開口道:「你地冇野想問我?」

史努比想了一想，道:「有，不過太多，唔知點問起!」

陳清心點點頭，連說兩聲好，單刀直入道:「你地知道邊個係白板未?」

史努比爽快地答到:「狄公!」

我嚇得張大嘴巴，猶如白痴，怒道:「頂你呀，知你唔早講?」





史努比反被我嚇了一跳，道:「唔係掛?咁都估唔到?」，

回想當時，牛五聽到前上司狄公的指示，所以習慣性地立即停手。而九叔則為了保護狄公，所以突然收隊，而且在敵我難分的情況下，寧願被押走也不肯說出狄公的情報。從這個角度來看，確實如史努比所說，白板是狄公的可能性十分高，牛五和九叔的反應亦合理多了。

我不禁問道:「點解狄公會做左大三元嘅大佬?」

陳清心搖搖頭道:「詳細我都唔清楚，都係估估下。不過，正所謂黑社會都有愛國嘅，大三元嘅存在對地府唔係壞事，至少佢趕走左好多鬼佬鬼，而且佢地做左黑道嘅龍頭之後，黑道少左好多紛爭!始終以閻羅王嘅身份，狄公好多野都管唔到，暗中扶持大三元都可以理解嘅!」

我點點頭表示明白，繼續問道:「咁你呢?點解要幫狄公?」





陳清心露出感激的笑容，道:「我先生失蹤多年，其實一早已經唔喺人世!本來佢夠哂期要投胎，我地夫妻二人呢世都唔可以再見。好在狄公用特權法，俾我先生喺地府逾期居留，我地夫妻先可以喺地府再續前緣，雖然時間唔長，但係我都好感激狄公，依家算係報恩咁啦!」

史努比摸著下巴道:「咁你加入調查小組，都係狄公叫架啦?」，陳清心點點頭表示正確。

我奇道:「調查小組點會咁易俾你加入?」

陳清心自信地道:「唔好睇少我老人家，你知唔知華力集團喺國內幾大影響力呀?阿爺點都要俾番幾分薄面我嘅!」

我不解道:「我知，咁都係陽界嘅事姐，同地府有咩關係?」