弊家伙，閻羅王唔見左!: (四十)

(四十)
九叔被拉走後，已事隔三天，但仍音訊全無，人和組成員都心急如焚。

白糖糕被上頭任命為人和組的臨時負責人，暫時代九叔主理人和組的事務。由於近日都沒甚麼大案，所以都是一些日常工作，故人和組在白糖糕的帶領下，倒沒有甚麼亂子。

大家都因九叔一事而憂心重重，以致整個人和組內的氣氛都十分沉重。突然，一陣有節奏的「咯、咯」聲打破沉默，高跟鞋的聲音漸漸變大，高跟鞋的主人明顯正往人和組走來，帶給眾人無限的遐想。

不少人都抬高頭引頸以待，因為人和組甚麼人、甚麼鬼都有，就是沒有女人。百厭的小道童捧腹大笑，道:「牛五，洗唔洗聽到高跟鞋聲都扯左?」

牛五厚著臉道:「邊有呀?我條野不嬲都係咁架啦!扯起上黎邊止咁嘅Size呀!」





小道童眼珠一轉，問道:「咩Size咁巴閉呀?」

牛五大笑一聲，道:「哼，我扯起上黎，真係粗到自己都驚呀!問你死未?」

洛仔忽然插嘴，猶如秦沛上身，露出大片的眼白，張口道:「你大我呀?!」

因為幾句笑話，人和組的氣氛開始熟絡起來，此時高跟鞋的聲音終於到了門外。門柄輕輕一扭，讓人期待的高跟鞋主人推門而入。

疲倦的雙眼帶著期望，可惜換來的只是失望，眾人馬上低頭埋首於文件堆中，稍為熱熾起來的氣氛再度冷卻。





高跟鞋的主人咳了兩聲，清清喉嚨，道:「咳咳……邊位係負責人?」

白糖糕不情願地道:「我係! 陳女士，有咩貴幹?」，白糖糕口中的陳女士是指陳清心。

我心裡不禁暗道:「嘩……阿婆貴庚呀!仲學人著高踭鞋?睇路呀你!白糖糕，辛苦啦!」

陳清心逕自走到九叔的房間，邊走邊道:「呢間房冇人用嘛?入黎傾!」

小道童小聲的道:「哎喲……入埋房，渣都冇得淨囉!」，白糖糕白了小道童一眼後，便哭喪著臉的進房間去。





不到五分鐘，白糖糕從門後伸出頭來，道:「牛五、小道童、史努比同Vinci入一入黎!」

我們四人帶著既摸不著頸腦，又膽戰心驚的心情進房間，感覺總不會是甚麼好事。四人一字排開，挺胸收腹的站著，一般來說九叔都不用我們來這一套的，但在外人面前多少都要注重這些形象。

白糖糕乾咳兩聲，道:「陳女士係以狄公失蹤案專責調查小組專員嘅身份黎，佢想借啲人手過去用下!九叔推薦左你四個!」

我跟史努比對看了一眼，表示心中的震驚。我很清楚陳清心跟大三元的關係，怎麼這人會搖身一變成為調查專員?

陳清心圍著四人走來走去，左看右看後，指了小道童和牛五各一下，道:「你，仲有你!」，一聽到這裡，我心裡狂喜，實在不想在陳清心手下辦事。

陳清心繼續道:「可以出番去啦!」，小道童和牛五暗自竊喜，以勝者的姿態步出房間。

陳清心喃喃自語道:「妖!最憎細路架啦，仲有陣牛騷味，臭死人咩!都係呢兩個正常啲!」，聽到她的稱讚，我和史努比完全高興不起來。