弊家伙，閻羅王唔見左!: (四十二)

(四十二)
陳清心笑道:「你唔係以為地府同阿爺、特區政府冇關係下話?仲記唔記得2012年12月21號零晨嘅聯合記招?仲有之後一系列嘅應對措施，你覺得特區政府唔係一早知會有呢單野，有可能咁快就有哂對策?」，的確，當時特區政府的反應之快，跟過往真是天壤之別。

陳清心繼續道:「前幾日大三元被發現係匿藏喺華力旗下大宅件事，我先發制人，率先發難，指責佢地辦事不力，咁耐都搵唔番狄公，搞到全世界立立亂，乘機要求加入調查小組!」

史努比點點頭，道:「咁你有咩頭緒?究竟邊個想害狄公?想我地做咩?」，面對史努比的提問，陳清心笑而不語，一副「你們猜猜看」的樣子，看得我和史努比牙癢癢。

不知不覺，轎車駛到政府總部，陳清心領著我倆走進去，走到一部升降機旁，按下按鈕把升降機的門打開。

我忍不住問道:「究竟我地去緊邊?」





陳清心懶得回答，向史努比打個眼色，讓他回答。史努比道:「去緊地府第十一殿!」，不用我追問，史努比再道:「初初黎香港果陣，黎個呢度辦手續。」

陳清心自顧地按著按鈕，接了三次「G」，再接了九次「11」，升降機的燈先是閃了一下，然後開始下降。

不一會，升降機門再厲度打開，這裡應該是第十一殿的主殿，跟在古裝劇的見到的公堂沒大分別，只是規模大多了，大概有半個足球場那麼大。

公堂上站滿了陰差，一聲不響，整齊地排著。陳清心緩緩走到較前的位置，在主審台旁的太師椅坐下，我和史努比就像兩個嘍囉似的，默默站在她身後。

此時，城隍爺從偏廳步出，踏上主審台，先向陳清心點頭行禮，才慢慢坐下。如果把一道簾置於陳清心面前，她簡直就是一位垂簾聽政的太后。





城隍爺一臉肅然，道:「突然召各位前來，係因為收到有關狄公嘅消息。相信大家都知，狄公好可能喺大三元手上，根據線報佢地依家匿藏喺元朗圍村嘅村屋!為左營救狄公，我製訂左呢個計劃!」

接著，城隍爺便開始詳細講解計劃，明顯地陳清心、我和史努比完全被排除在計劃之外。陳清心也察覺到問題，道:「咁我呢?要負責啲咩?」

城隍爺想了一會，隨意地道:「麻煩陳女士負責監督外圍嘅包圍網，唔好俾佢地走甩!」，這明擺著是把我們投閒置散，但陳清心也只是冷笑一聲，便點頭表示接受。

會議過後，行動亦馬上展開。陳清心一路上不發一言，乘上轎車後也只是閉目養神。我按捺不住問道:「喂，你唔洗通知狄公咩?」

陳清心不耐煩地道:「通知狄公?根本就係佢間接咁放料比調查小組!」





我愕然道:「點解要咁做?」

陳清心答道:「狄公心目中已經大概知邊個害佢，想證實下!後生仔，多啲用眼睇，多啲用腦諗，唔好咩都問!」，被陳清心搶白了兩句，我也不好意思再問。