【少甜，非甜故】為左變性，我唯有做雞。: 第四章 醉 (10)
「我唔理你咩ethics 定knowledge啦，你既私生活係你既事，唔會影響到病人就得啦。」我兇巴巴地看著偉明說道。
「咁你覺得點先係一個好既精神科醫生呀？」王偉明沒有再與我們爭論，而是提出另一個問題。
「呢樣我唔知啵，醫得好個病既就算好醫生架啦，咩科都一樣既我諗。」逸雋答道。
「如果一個精神科醫生自己都有精神病，你仲會唔會睇佢？」王偉明從口袋中拿出私人珍藏的鐵酒盒，慢慢扭開那青銅色的樽蓋。
我們沒有回答，他也沒有再提問。
之後我們轉了話題，談了同志平權、香港前途、醫院八卦，逸雋又問了他一些有關愛滋的問題，但偉明的那個問題還是在我腦中揮之不去。
我覺得他說的那個人就是他自己，他就是有精神病的精神科醫生。
「喂，我走先啦。」逸雋站起來與我們道別。
「記住要安全呀。」偉明豎起拇指。
「知啦，你話0仔危險啲架嘛！」
「哈哈學到野啵，拜拜啦八婆。」我揮動手上的啤酒樽。
「拜拜Michelle姐，拜拜偉明哥。」他頭也不回，一定是趕著去約炮。
桌上的酒喝得七七八八，雖然我仍然清醒，但頭腦開始有點發脹。
「仲飲唔飲呀？」偉明繼續拿著他的小鐵罐。
「我話請你飲酒，你一路都飲私伙野，好唔比面姐。」現在只剩下我們兩人，我自覺地坐到他對面。
「咁呢枝我自己溝架嘛，慣左呢個時候飲。」
「諸多藉口，拎黎！」
我打算把酒喝盡那他就不能拒絕我的好意，怎料那酒烈得灼喉，而且一點也不香醇。
「喂…你枝野都唔好飲既……我……」我沒法把句子說完，就倒睡在桌上，不省人事。