我搭咗架去地獄嘅列車: 第五章—《刀山地獄的秘密》
「頭先股力量係你比我嘅？」躺在地上的我慢慢站起來，「她」一下子由「巨人」變成「小矮人」，看來「她」沒有長高多少，是不是吃不夠東西呢？學業壓力太大？職責過大令到「她」很辛苦？在我腦海中出現的問題竟然是這些，而不是為什麼「她」會在這裡出現、為什麼「她」會有這些神奇的力量、為什麼...... 很多個為什麼我也要知道答案。
「冇錯，我唔比你，你點樣過到呢關，你早就被佢殺死左！」看來「她」很生氣，我蹲下來好讓「她」可以不用抬高頭跟我說話。
「乜呢關唔係殺死『善』同『惡』咩？」我問道，因為嘉源說得很清楚，只要我們殺死他們倆就可以離開業鏡。
「她」搖搖頭，說：「你知唔知刀山地獄係專責係乜架？」
「我唔知道！」老實說，一般人應該也不會知道地獄是什麼來的，因為就算他知道也無法告訴其他人，他已經死了......
「聽住，刀山地獄專責審查你地係人間做過咩好事又者壞事，做得壞事越多，武器就越勁。人的天性就係為左生存不顧一切，武器越強，殺死佢地兩個就會越易，只要你殺死左佢地兩個，你就會跌落去淨化瀑布，被水匕首不停攻擊......」我聽完之後才道原來嘉源最後的那句是一個提示，幸好我沒有殺死賢，要不是我可能已經去到瀑布中受苦了。
「咁依家我可以點做？」我問道。
「我地等埋佢醒左先，之後我就教你點做。」我點點頭，然後「她」就慢慢走出洞穴。
「喂！」我叫「她」。可是，「她」並沒有停下來，繼續往前走。
我了解「她」不停下來的原意，可能因為我們之前的關係，但是有太多事我想知道了，我怕賢醒起之後我不方便問，於是我拿起弒神者指向「她」，說：「我叫你企係度呀！」
一道紅光從弒神者的劍尖發出，飛向「她」的方向。我大吼：「小心呀！」當我正擔心「她」會被我所傷時，「她」從容不迫地揮揮一手就擋去我的攻擊。
「你傷唔到我架，因為我比你想像中仲要強。」她回頭對著我說。
「我想知......」正當我想問問題時，她將手指放在嘴唇中間，然後指指我身後的賢。原來賢已經醒來了，我馬上前去扶起他，說：「你醒啦？」他點點頭，然後我將我剛才所遇到的事都告訴他，他都聽得目瞪口呆了，說：「我攞左你把劍攻擊你，點會呀？」
「真架！如果唔係佢救左我，我早就被你殺死左！」我指指在洞穴外的「她」。
「佢就係『善』？」我點點頭，然後和賢一同步出洞穴。
「你醒左啦，你地照著我嘅說話做，就可以離開呢度。」我和賢都點點頭，因為除了聽「她」的話外，我們都想不出任何方法可以離開這裡。
「我頭先已經同曦講過，殺死『善』同『惡』係秦廣王比佢嘅陷阱，依家佢冇殺到我地，呢關已經過左一大半，依家只要我順利行到業鏡的出口就可以啦。」
「咁點解頭先賢會攻擊我？」我終於有機會問我最想問的問題。
「因為佢嘅靈魂被人分裂左兩邊，就係『善』同『惡』，同我嘅情況有啲相似......」「她」這句話令到大吃一驚。
「你究竟講緊乜嘢，你嘅情況又係點樣？」「她」的情況比起賢我更加擔心，因為「她」和我之前認識的已經很不同了。
「我嘅靈魂有一半係地獄，有一半係人間。因為我當初誤闖業鏡，閻羅王就攞走左我一半嘅靈魂，依家你見到嘅我都係我強行將自己嘅靈魂再分裂，如果唔係你就唔會見到『善』，你永遠都出唔番去！」我看到「她」的雙眼開始變得通紅。
「對唔住.......寶妮，對唔住......」我慢慢走到她身邊。
「曦，點解你會識佢？點解你會估到佢係『善』？」賢問道。
「佢叫黃寶妮，佢係我嘅初戀情人......」