我搭咗架去地獄嘅列車: 第四章—《業鏡內的「善」與「惡」下》
「你到底係邊個？！你到底係邊個呀？！！」我對住無人的空地大吼，就連來到地獄都非常冷靜的賢也被我嚇壞了，連番追問：「曦，你無事呀嗎？我咪變番正常囉，我無事架啦！」
「賢，唔關你事，你仲記唔記得我朝早問過你聽唔聽一把聲叫我嘅？」我盡量壓抑我激動的情緒，因為自從我聽到那把聲音之後，我就無緣無故被拉進這個地獄了，我明明還未死！為什麼要將我拉進這個鬼地方。
「我記得，我果時仲以為你睇完戲太入戲添，你依家都聽到？」我點點頭，以示他說的是對的。
「我懷疑呢一切都係呢把聲音嘅主人所搞出黎！」我作出一個純粹靠我的直覺而推測的假設。
「不如，我地搵左「善」先，之後再睇下點，依家我地都未過到第一站...」賢提出了一個非常可行的方案。我豎起拇指，以表認同。「你頭先唔係大概估到邊個係「善」咩？」賢將我帶回到事情的重點。
「冇錯，但我地仲未揾到佢，呢度大成咁，我地分開行就好難揾番對方，我地一齊行啦！」賢搭著我的肩膀說。
「好，我地行啦。」我接受了他的建議，我們向著遠方的一個大洞穴進發，因為天已經開始入夜，再加上在業鏡的世界內好像並沒有「燈」這樣東西，所以我們必須盡快走到有上蓋的地方，要不是整個晚上都在外的話，有什麼危險的話，即使我們有武器也沒有用。我們走著走著，終於在「光」消失前走到我們的目的地。
「終於到啦！雖然呢度都係乜都冇，但點都好過係出面呀！」我們兩人已經累到說不上話，馬上就倒在地上睡覺了。到我開始有意識要醒過來的時候，「光」又再次出現了，看來我已經睡了一整晚了。我發現賢拿起了他的劍，我慢慢爬起來，看到他拿著的竟然是我的劍？！
「賢，你做咩用我把劍？」我說完後賢竟然將劍指向我，並慢慢向我靠近。
「賢！你做乜野？！停手！」手無寸鐵的我，只能不斷退後，但後果就是因為洞穴的深處的關係，外面的「光」根據無法照進來，我開始看不見賢的身影。
「如果唔係因為你，我果時根本就唔會搞成咁，我亦唔會要做你下屬！一切都係你錯！我要殺左你，再殺埋『善』，然後我就可以出番去！哈哈！」賢將弒神者的劍鞘拿開，向前一跳，毫不留手地向沒有任何防禦的我進行必殺的一擊！
「當年根本就係你唔岩，但我亦都有責任去阻止你，我地雙方都有錯，點可以話係我錯曬？！！」我不知道哪來的勇氣，竟然打算赤手空拳去抵擋賢的攻擊。
此時，我的雙手好像有股能量不斷湧入，我馬上將手中的能量集中一點。我的防禦和弒神者觸碰的一剎那，發生強光和爆炸，將我們兩個都轟開。
過了一會兒，我慢慢睜開雙眼，在我眼前出現了一個人，不是賢，而是「她」。
「『善』果然就係你！」
「她」點點頭，說：「你終於都係黎左，無論我點阻止你......」