[深夜重口味] 黑色蒲公英: 你估係邊個?

話說我放逐自己去沙地阿拉伯，突然收到以前其中一個 SP，Sarah 嘅電話...

其實我嚮沙地冇咩朋友，只識公司同事，打籃球班賓仔，同埋嚮經常去嘅餐館打工嘅侍應。
所以當知到 Sarah 嚟探我，我莫大興奮。
不過更加估唔到，Sarah 帶埋佢老公同個仔嚟。
「你地係咪搭錯飛機? 沙地呢度除咗沙咩都冇，你地又唔係穆斯林，入唔到聖城麥加，如果想睇古蹟，應該去埃及，如果想使錢，應該去杜拜。」
「爹地囉，最鍾意冷門野，埃及同杜拜去過啦。」
你係咪當年做紀律部隊果個? 如果係，我畀咗好多帽你喎。
「我喜歡開發新地方。」
我都開發咗你老婆唔小地方。


「不過好慚愧，如果唔係你地嚟，我都唔知有呢個專畀外國人嘅渡假村。」
我地坐嚮池邊餐廳，望住啲 bikini 鬼妹游水，好難想像嚮呢個咁保守嘅國家有咁嘅景象。
而 Sarah 除咗肥咗小小，個胸大咗兩個碼，相信奶水充足。
「小朋友，你幾多歲?」
「I am 3 years old.」
死𡃁仔，我問你中文你答英文?
「媽咪，我好急。」
死𡃁仔，原來你識中文?
「爹地快啲帶佢去 vee vee 啦。」
我望住綠帽男拖住死𡃁仔行咗去。


如果 Rebecca 冇死，我個女依家...
「唔使望喇，佢唔係你個仔。」
「痴線! 都唔知你講咩。」
「點呀? 有冇掛住我啫?」
「冇，一啲都冇。」
「真無情，枉我仲周不時回味你，次次濕到要換底褲。」
「做咗人阿媽就檢點啲啦!」
「唓! 阿媽唔可以有性幻想嘅? 阿媽唔可以偷食嘅?」
「估唔到你講得出口。」
「世事好多都估唔到啦，記唔記得當年果間愛家建?」


Joyce 公司。
「個老闆張生嚮香港撞車死咗，兩個保鑣一死一危殆呢?」
「我記得。」
點會唔記得? 如果張虹虹冇出事，我當晚應該會返屋企同 Rebecca 講 Joyce 返咗嚟，咁佢就唔使死。
「果次車禍唔係咁簡單，因為後來有人嚟殺個保鑣。」
「咁大件事?」
當時警察都好似話有可疑。
「不過個殺手失咗手，被警察捉到，仲供出主謀，你估係邊個?」
「邊個?」
「係張太。」
Joyce?

<< 未完待續 >>