[深夜重口味] 黑色蒲公英: 唔好睇小我嘅直覺

話說 Sarah 嚟探我，話當年張虹虹嘅死主謀係 Joyce...

冇可能! 
張虹虹有恩於佢，Joyce 點會殺佢?
而且佢絕對唔會殺人，一定係冤枉。
我要返去幫佢。
正當我想彈起...
「Sarah，係幾時嘅事?」
「幾年前啦，果時我仲大緊肚。」
原來已經過咗去，但 Joyce 從未提過。


「咁有冇拉到佢?」
「唔知喎，因為個保鑣怕再滅口，爆出真正主腦其實係張生個妹夫。」
「丁鋼? 早知佢唔對路。」
「好似話佢賭波周身債，張生怕個妹心軟於是改遺囑。」
唔怪得遺囑寫畀 Joyce。
「個妹夫買通兩個保鑣想綁架佢，點知發生車禍，個妹怕保鑣會亂講野，於是請殺手，仲講明失咗手就推落張太度。」
好賤!
「不過仲有另一個版本，傳聞話張太勾引個妹夫，然後獨吞公司。」
我唔信!
「最後張太將股份賣晒畀一間私募基金，你估幾多錢? 十六億人民幣呀!」


咁多?
「之後佢消聲匿跡，有人話去咗美國，有人話嚮北京。」
佢嚮香港。
「點會估到一個女人一夜之間變富婆? 畀著我即刻環遊世界囉。」
原來發生咁多事。
「Sarah，過咗咁耐，點解同我講?」
佢用腳面擦我小腿。
「唔好睇小我嘅直覺，返香港啦，留嚮度把鬼咩?」
「我有分數，而且就算返，都唔會同你上床。」
「挑! 講呢啲。」


我諗我明白 Joyce 點解唔講，佢太清楚我嘅想法，怕我知道咗唔敢返去。
但亦有可能佢同我已經屬於唔同世界，畢竟金錢比時間更易令感情退色。
Sarah 走咗之後，我仲有去渡假村，因為果度自由啲，舒服啲。
有一次嚮泳池，見到一個著一件頭泳衣嘅女仔，中間開得好低好闊，兩邊靠幼繩連住。
照計呢種泳衣只可觀賞，不可落水，我由好奇變成偷窺，冇留意佢已經注意到我。
仲行過嚟，Shit! 視姦係咪犯法?
「May I?」
原來想坐我側邊?
「Hi, I'm Eunice from Malaysia. Are you Chinese?」
「Yes, from Hong Kong.」
「廣東話?」
「當然識。」
我睇唔到泳衣入面，但見到左手無名指有介指。

<< 未完待續 >>