[深夜重口味] 黑色蒲公英: 瞓埋上嚟啦

話說 Joyce 走咗之後我失魂落魄，Rebecca 開解我，鼓勵我直接上上海搵佢...

「又 delay 多兩個鐘?」
我同 Rebecca 原本搭早機，不過成個上晝都未上到機。
「冇法啦，我地食啲野先。」
「Rebecca，你係咪第一次自己出門?」
「算一半啦呀，舊年試過跟啲表姐去北京玩，我 OK 架。」
「麻煩晒你陪我。」
「當報答你以前幫過我囉。」
「我有過幫你? 幾時?」


「記唔記中一果時有個咸濕伯父摸我，我掃開佢，點知佢惡人先告狀鬧我，我驚到喊，你當時挺身而出，鬧番佢轉頭。」
「有咁嘅事? 冇印象喎，不過咁多管閒事似我性格。」
「但係阿邦，呢次我地係嚟見 Joyce，佢可能仲煩緊佢老公啲野，所以你唔好太強人所難呀。」
我地情況其實幾尷尬，Rebecca 暗戀我，但陪我見我嘅情人 Joyce，而 Joyce 依家又陪緊佢老公，好複雜!
最後我地下晝先起飛，去到酒店已經七點幾。
而且麻煩接種而嚟...
「對不起，電腦只有一位的訂房。」
「怎麼會? 我們在香港的旅行社已付訂了，也有收據。」
「詳細要問你們的代理，那不是我們的收據，是代理那邊發的。」
「點算? Rebecca，係咪畀錢要多一間?」


「唔好，啲錢要慳住用，小姐，我們先 check-in 一間房吧，可以改兩張單人床嗎?」
「兩張單人床的房間已滿了，只剩雙人床的。」
「吓?」
「可以加床嗎?」
「標準房不夠空間加床，升級到豪華房就可以了。」
有錢升級就唔使加床啦!
「唉! 我都係瞓地下算。」
上到房，原來瞓地下都唔易，通道好窄，而且地毯好似幾污糟。
「阿邦，張床唔算好細啫，你瞓埋上嚟啦。」
大家苦笑。


我地嚮酒店附近食啲野，然後輪流沖涼。
Rebecca 換上少女睡衣，隱約見到個 bra，同 Joyce 完全兩種風格。
我亦唔敢裸睡，不過好耐先瞓得著。
雖然我地之間有啲距離，不過都聞到佢啲體香。
如果 Joyce 知道我同另一個女仔瞓會唔會好嬲?
第二朝，我地一早去到 Joyce 公司，嚮接待處...
「對不起，我們的職員中沒有你說的那位 Joyce。」

<< 未完待續 >>